අභිඥා වීථි
රූපාවචර අරූපාවචර ධ්‍යානයන් උපදවා ගත් පුද්ගලයා විසින් ඒ ඒ ධ්‍යානයන් පඤ්චවසිතාවෙන් පුරුදු කොට, එක් ධ්‍යානයකින් අනික් ධ්‍යානයකටද, යනාදී පිළිවෙලින් අනුලොම පටිලොම වශයෙන් ධ්‍යාන උපදවාගෙන ඒ හේතුවෙන් ලබාගත් අෂ්ට සමා පත්ති ඇත්තේ, අභිඥා උපදවා ගැනීම පිණිස වීර්‍ය්‍ය වඩන්නේය.
අභිඥාවෝ සත්වැදෑරුම් වේ. එනම්:
- දිබ්බ චක්ඛු අභිඥා
- දිබ්බ සොත අභිඥා
- ඉද්ධිවිධ අභිඥා
- පරචිත්ත විජානන අභිඥා
- පුබ්බේ නිවාසානුස්සති අභිඥා
- යථාකම්මූපග අභිඥා
- අනාගතංස අභිඥා
මේ අභිඥාවන් උපදවනු කැමැති පුද්ගලයා විසින් සතර භූත කසිණ හා සතර වර්ණ කසිණයන්ද අරමුණු කොට, වෙන් වෙන් වශයෙන් සියලුම ධ්‍යාන උපදවා ගැනීම පුරුදු කළ යුතු වේ.