භාග්‍යවතුන් වහන්සේ බරණැස ටික කලක් ව වැඩ වුසූ සේක. මෙ සමයෙහි අවන්ති රටට අධිපති චණ්ඩප්‍රජ්‍යෝත මහ රජ ස්වකීය පුරෝහිත කාත්‍යායන බ්‍රාහ්මණයා අමතා භාග්‍යවතුන් වහන්සේ සිය රටට වැඩම කරවා ගෙන එන්නට නියෝග කෙළේ ය. හේ “පැවිදි වන්නට අවසර දෙතොත් භාග්‍යවතුන් වහන්සේ ගෙන එන්නෙමි” යි කියා පැවිදි වීමට රජුගෙන් අවසර ගෙන තවත් සත් දෙනෙකුත් සමග නික්ම බරණැස භාග්‍යවතුන් වහන්සේ වැඩ ඉන්නා බව අසා එහි පැමිණියේ ය. භාග්‍යවතුන් වහන්සේ ඔවුනට දම් දෙසූ සේක. දේශනාවසානයේ ඒ සත් දෙනා ද කාත්‍යායන බමුණා ද රහත් බව ලැබුවෝ භාග්‍යවතුන් වහන්සේ වෙත ඒහිභික්ෂුප්‍රව්‍රජ්‍යායෙන් පැවිදි උපසපන් වූහ.
අනු මාතෘකා
keyboard_arrow_rightකාත්‍යායන තෙරුන් අවන්ති රට සසුන් පිහිටුවීමstar_outlineshare
keyboard_arrow_rightධර්මය ලියැවීමක් - ඍෂිදත්තstar_outlineshare