අප බුදුරජාණන් වහන්සේ සවැත් නුවර ජේතවනාරාමයෙහි වැඩවෙසෙන අවස්ථාවෙක එක් ගමක වස් එළඹ පවාරණය කොට බුදුන් දකිනු පිණිස සවැත් නුවර බලා ගමන් කරන්නාවූ සිල්වත් භික්ෂු සමූහයක් එක් ගමක් මැදින් වැඩම කරන කල්හි එගම එක් කතක් ඒ භික්ෂු පිරිස දැක ඉමහත් ආදර ගෞරවයෙන් පසඟ පිහිටුවා වැඳ, ඒ භික්ෂූන් නොපෙනී යන තෙක් ඇඳිලි බැඳ ගෙන මහත් සතුටින් ඒ භික්ෂූන් දෙස බලා සිට්යාය. ඕ තොමෝ පසු කාලයේදී මිය, ඒ පිනෙන් තව්තිසා දෙව්ලොව උපන්නාය. ඕ තොමෝ එහි දිව්‍ය ශ්‍රී සම්පත් වළඳමින් සිටින කල්හි දිව්‍යලෝක චාරිකාවෙහි වැඩම කළ මුගලන් මහ තෙරුන් වහන්සේට හමු වී ඇය කළ පින් වික්ස්හාරන කල්හි මේ පුවත ඈ මුගලන් මහ තෙරුන් වහන්සේට සැළ කළා ය.