2. වස්තු රූප හා අවස්තු රූප

චිත්ත චෛතසික ධර්මයන්ගේ වාසයට, හටගැනීමට, පැවැත්මට ස්ථාන වන රූප වස්තු රූප නම් වෙත්.

එවැනි වස්තු රූප සයකි එනම්:

1. චක්ඛු ප්‍රසාද රූපය.
2. සොත ප්‍රසාද රූපය.
3. ඝාණ ප්‍රසාද රූපය.
4. ජිව්හා ප්‍රසාද රූපය.
5. කාය ප්‍රසාද රූපය.
6. හදය රූපය.

ඉතිරි දෙවිසි (22) රූපයෝ අවස්තු රූප නම් වෙත්.

මෙකී රූප සය විඤ්ඤාණාදීන්ට නිඃශ්‍රය වන බැවින් වස්තු රූපයයි ව්‍යවහාර වේ අවස්තු රූපයන්හි නාම ධර්මයන් ගේ වාසයක් නැත.