නියතානියත ආරම්මණ සංග්‍රහය
ආරම්මණයෝ කොටස් සතරකට බෙදා දක්වනු ලැබේ.
එනම්:-
- කාමාවචර අරමුණු
- මහග්ගත අරමුණු
- ලොකොත්තර අරමුණු
- පඤ්ඤත්ති අරමුණු
කාමාවචර අරමුණු - කාමාවචර සිත් පනස්හතරත් (54) එහි යෙදෙන චෛතසික දෙපනසත් (52), සහ රූප විසිඅටත් (28) යන මේ ධර්මයන්ට ඇතුළත් සියළුම අරමුණු කාමාවචර අරමුණු නම් වේ.
මහග්ගත අරමුණු:- මහග්ගත සිත්වලට ඇතුළත් අරමුණු මහග්ගත අරමුණු නම් වේ.
ලොකොත්තර අරමුණු:—ලොකොත්තර සිත් අටටත්, නිර්වාණ ධර්මයටත් ඇතුළත් අරමුණු ලොකොත්තර අරමුණු නම් වේ.
පඤ්ඤත්ති අරමුණු,- දසකසිණ, දසඅසුභ, ආදී භාවනා අරමුණු වලට ඇතුළත් අරමුණු සියල්ලම පඤ්ඤත්ති අරමුණු නම් වේ.