සොමනස්ස හසිතුප්පාද සිත (5)

රහතන් වහන්සේලා ඇතැම් විට සිනහ පහළ කිරීමේ දී මේ අහේතුක ක්‍රියා සිත ඇති වේ. මේ සිතෙහි ඡන්දය හැර ඉතිරි දොළොස් (12) අන්‍යසමානයෝ ලැබෙන්නාහ. නොයෙදෙන චෛතසිකයෝ සතළිසකි. (40)

අහේතුක අටළොස් චිත්තයන්හි සංග්‍රහ නය පස මෙසේ දත යුතුයි. (211 පිටුව බලනු)

දෙපනස් (52) චෛතසිකයෝ, අසූනවයක් (89) හෝ එක්සිය විසි එකක් (121) ප්‍රභේද ඇති සිත්හි යෙදෙන ආකාරය දක්වන සම්ප්‍රයෝගනය ද, ඒ ඒ සිත්හි යෙදෙන චෛතසිකයන් දක්වන්නා වූ සංග්‍රහනය ද මෙසේ සංක්ෂේපයෙන් දැනගත් හෙයින්, සඞ්ඛ්‍යා වශයෙන් චෛතසිකයන්ගේ යෙදීම දැක්වීමට මෙහි පහත දක්වන චක්‍රය ප්‍රයෝජන වත් වේ. (215 පිටුව බලනු)

එක්සිය විසි එක් (121) චිත්තයන්හි, ඒ ඒ චෛතසිකයන් යෙදෙන සැටි බලා ගැනීමේ පහසුව සඳහා මෙහි පහත දැක්වෙන චක්‍රය සකස් කරණ ලදී. (216 පිටුව බලනු)

දුතිය පරිච්ඡේදය නිමි.