1. 5.
පාටිදේසනීය කාණ්ඩය
1. ගිතෙල් ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් (සය දෙනෙකුගෙන් යුත් කණ්ඩායමේ භික්ෂුණීන්) අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු ගිතෙල් ඉල්ලා වැළඳූහ. ඒ කරුණ නිසා ය. පඤ්ඤත්ති (මුලින් පැනවූ නීතිය) එකකි. අනුපඤ්ඤත්ති (පසුව එක් කළ නීතිය) එකකි. ආපත්ති සමුට්ඨාන (ඇවැත් හටගන්නා ආකාර) හය අතුරෙන් සමුට්ඨාන හතරකින් හටගනී. -පෙ-
2. තල තෙල් ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු තල තෙල් ඉල්ලා වැළඳූහ. ඒ කරුණ නිසා ය. පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. -පෙ-
3. මී පැණි ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු මී පැණි ඉල්ලා වැළඳූහ. ඒ කරුණ නිසා ය. පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. -පෙ-
4. උක් හකුරු ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු උක් හකුරු ඉල්ලා වැළඳූහ. ඒ කරුණ නිසා ය. පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. -පෙ-
5. මාළු ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු මාළු ඉල්ලා වැළඳූහ. ඒ කරුණ නිසා ය. පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. -පෙ-
6. ගොඩමස් (මස්) ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු ගොඩමස් ඉල්ලා වැළඳූහ. ඒ කරුණ නිසා ය. පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. -පෙ-
7. කිරි ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු කිරි ඉල්ලා වැළඳූහ. ඒ කරුණ නිසා ය. පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. -පෙ-
8. මී කිරි ඉල්ලා වළඳන භික්ෂුණිය පිළිබඳ පාටිදේසනීය ශික්ෂාපදය පනවන ලද්දේ කොහිදී ද යත්: සැවැත් නුවරදී පනවන ලදී. කවරෙකු අරභයා ද යත්: ෂඩ්වර්ගික භික්ෂුණීන් අරභයා ය. කිනම් කරුණක් නිසා ද යත්: ෂඩ්වර්ගික භික්ෂුණීහු මී කිරි ඉල්ලා වැළඳූහ. ඒ කරුණ නිසා ය.
පඤ්ඤත්ති එකකි. අනුපඤ්ඤත්ති එකකි. ආපත්ති සමුට්ඨාන හය අතුරෙන් සමුට්ඨාන හතරකින් හටගනී. ඇතැම් විට කයින් හටගනී, වචනයෙන් හට නොගනී, සිතින් හට නොගනී. ඇතැම් විට කයින් ද වචනයෙන් ද හටගනී, සිතින් හට නොගනී. ඇතැම් විට කයින් ද සිතින් ද හටගනී, වචනයෙන් හට නොගනී. ඇතැම් විට කයින් ද වචනයෙන් ද සිතින් ද හටගනී. -පෙ-
පාටිදේසනීය අට නිමි.
එහි කරුණුවල නාමාවලිය:
ගිතෙල්, තෙල්, මී පැණි, උක් හකුරු, මාළු, මස්, කිරි, මී කිරි යන මේවා ඉල්ලා ගැනීමෙන් (හටගන්නා) භික්ෂුණිය පිළිබඳ පාටිදේසනීය ශික්ෂාපද අට සම්බුද්ධයන් වහන්සේ විසින් දේශනා කරන ලදී.
භික්ෂු විභඞ්ගයෙහි යම් ශික්ෂාපද විස්තර කරන ලද ද, ඒ ශික්ෂාපද භික්ෂුණී විභඞ්ගයෙහි කෙටියෙන් දක්වා ඇත.
පළමුවන කත්ථපඤ්ඤත්ති වාරය නිමි.