407. ...පෙ... පහන් දෙයි. හෙතෙම ශරීරයාගේ බිඳීමෙන් මරණින් පසු අණ්ඩජ ගුරුළන් හා එක්වීමට පැමිණෙයි.

මහණ, යම් හෙයකින් මේ ලෝකයෙහි ඇතැම් කෙනෙක් ශරීරයාගේ බිඳීමෙන් මරණින් පසු අණ්ඩජ ගුරුළන් හා එක්වීමට පැමිණෙයි ද මේ වනාහි එයට හේතුවයි. මේ වනාහි ප්‍රත්‍යයයි.

එක් පසෙක හුන් ඒ භික්ෂුව භාග්‍යවතුන් වහන්සේට මෙසේ කීවේය: ස්වාමීනි, යම් හෙයකින් මේ ලෝකයෙහි ඇතැම් කෙනෙක් ශරීරයාගේ බිඳීමෙන් මරණින් පසු ජලාබුජ ගුරුළන් හා එක්වීමට පැමිණෙයි ද ...පෙ... සංසෙදජ ගුරුළන් ...පෙ... උපදියි.

මහණ, මේ ලෝකයෙහි ඇතැම් කෙනෙක් කයින් දෙපරිද්දෙකින් ක්‍රියා කරන්නේ වෙයි, වචනයෙන් දෙපරිද්දෙකින් ක්‍රියා කරන්නේ වෙයි, සිතින් දෙපරිද්දෙකින් ක්‍රියා කරන්නේ වෙයි. ඔහුට මෙසේ අසන්නට ලැබෙයි “ඕපපාතික ගුරුළෝ දීර්ඝායුෂ්කයහ, වර්ණවන්තයහ, සැප බහුල ඇත්තාහ” යි. ඔහුට මෙසේ සිතෙයි: “අහෝ! මම ශරීරයාගේ බිඳීමෙන් මරණින් පසු ඕපපාතික ගුරුළන් හා එක්වීමට පැමිණෙන්නෙම් නම් මැනවැ” යි. හෙතෙම ආහාර දෙයි ...පෙ... උපදියි.