434. ඤාණාථවික ථේරාපදානය
4664. කිණිහිරි රුකක් මෙන් දිලිසෙන, ප්‍රදීප වෘක්‍ෂයක් මෙන් බබලන, ස්වර්‍ණයක් මෙන් දීප්තිමත් බුදුරජුන් දිටිමි.
4665. මම ධර්‍මකරකයද, වැහැරි සිවුරද, කෙණ්ඩියද තබා, අඳුන් දිවිසම එකක් කොට බුද්‍ධ ශ්‍රේෂ්ඨයන් වහන්සේට ස්තූති කෙළෙමි.
4666. මහා මුනීන් වහන්ස, (ඔබ) මෝහ දැලින් අවුල්වූ ගණඳුරු නසා, නුවණ නමැති එළියද දක්වා, (සසර සයුර) තරණය කෙළේ වෙහිය.
4667. මෙම ලෝකයා (සසරින්) ගොඩ දමහිය. ලෝකය යම්තාක්ද, ඒතාක්ද පැතිරීගිය, සියල්ල සහිතවූ අනුත්තර නිර්‍වාණයද (විෂය කොට ඇති) ඔබ වහන්සේගේ නුවණෙහි උපමාවක් නම් නැත.
4668. සර්‍වඥයන් වහන්ස, (ඔබට) එම ඥානය කරණකොටගෙන බුද්‍ධයයි කියනු ලැබේ. මහා වීරයන් වහන්ස, සියල්ල පිළිබඳව දැනීම ඇති ඒ සර්‍වඥතා ඥානයද, අනාවරණ ඥානයද වඳිමි.
4669. මම මින් සියක් දහස් වන කපෙහි බුද්‍ධ ශ්‍රේෂඨයන් වහන්සේට ස්තූති කෙළෙම්ද, (ඒ හේතුවෙන්) දුගතියක් නොදනිමි. සර්‍වඥතා ඥානයට පැසසීමෙහි මේ විපාකයයි.
4670. මා විසින් ක්ලේශයන් දවන ලදහ. සියළු භවයෝ නසන ලදහ. හස්ති රාජයකු මෙන් බැඳුම් සිඳ, ආශ්‍රව රහිතව වෙසෙමි.
4671. ඒකාන්තයෙන් බුදුරජාණන් වහන්සේගේ සමීපයට මාගේ යහපත් පැමිණීමක් විය. පැමිණෙන ලද ත්‍රිවිද්‍යාවෝ ඇත්තාහුය. මා විසින් බුදුරජාණන් වහන්සේ ගේ සසුන කරණ ලදී.
4672. සිව් පිළිසිඹියාවෝද, අෂ්ට විමොක්‍ෂයෝද, ෂඩභිඥාවෝද සාක්‍ෂාත් කරණ ලදී. බුදුරජාණන් වහන්සේගේ සසුනද කරණලදී.
මෙහි මේ අයුරින් ආයුෂ්මත් ඤාණාථවික තෙරුන් වහන්සේ මෙම ගාථාවන් වදාළ සේක.
ඤාණත්ථවිකත්ථෙරස්ස අපදානං චතුත්ථං.
435. උච්ඡුඛණ්ඩික ථේරාපදානය
4673. මම බන්ධුමතී නගරයෙහි වාරපාලකයෙක් වීමි. (එකල්හි) නිර්‍මලවූ සියළු ධර්‍මයන්ගේ පරතෙරෙට ගියාවූ බුදුරජුන් දුටිමි.
4674. මම පහන් සිත් ඇත්තේ, සොම්නස්වූයේ, මහර්ෂීවූ විපස්සී නම් බුද්‍ධ ශ්‍රේෂ්ඨයන් වහන්සේට උක් කැබැල්ලක් ගෙන දුනිමි.
4675. මින් එක් අනූවන කපෙහි වූ එකල්හි යම් උක් දනක් දුනිම්ද, (ඒ හේතුවෙන්) දුගතියක් නොදනිමි. උක් කැබලි දනෙහි මේ විපාකයයි.
4676. මා විසින් ක්ලේශයන් දවන ලදහ. සියළු භවයෝ නසන ලදහ. හස්ති රාජයකු මෙන් බැඳුම් සිඳ, ආශ්‍රව රහිතව වෙසෙමි.
4677. ඒකාන්තයෙන් බුදුරජාණන් වහන්සේගේ සමීපයට මාගේ යහපත් පැමිණීමක් විය. පැමිණෙන ලද ත්‍රිවිද්‍යාවෝ ඇත්තාහුය. මා විසින් බුදුරජාණන් වහන්සේ ගේ සසුන කරණ ලදී.
4678. සිව් පිළිසිඹියාවෝද, අෂ්ට විමොක්‍ෂයෝද, ෂඩභිඥාවෝද සාක්‍ෂාත් කරණ ලදී. බුදුරජාණන් වහන්සේගේ සසුනද කරණලදී.
මෙහි මේ අයුරින් ආයුෂ්මත් උච්ඡුඛණ්ඩික තෙරුන් වහන්සේ මෙම ගාථාවන් වදාළ සේක.
උච්ඡුඛණ්ඩිකත්ථෙරස්ස අපදානං පඤ්චමං.
436. කලම්බදායක ථේරාපදානය
4679. රොමස නම් සර්‍වඥ තෙමේ කඳු අතරෙහි වැඩ වෙසේ. පහන් වූයේ (මම) උන්වහන්සේට සියතින් විලපලා ටිකක් දුනිමි.
4680. මින් සිව් අනූවන කපෙහිවූ එකල්හි යම් දනක් දුනිම්ද, (ඒ හේතුවෙන්) දුගතියක් නොදනිමි. විලපලා දානයෙහි මේ විපාකයයි.
4681. මා විසින් ක්ලේශයන් දවන ලදහ. සියළු භවයෝ නසන ලදහ. හස්ති රාජයකු මෙන් බැඳුම් සිඳ, ආශ්‍රව රහිතව වෙසෙමි.
4682. ඒකාන්තයෙන් බුදුරජාණන් වහන්සේගේ සමීපයට මාගේ යහපත් පැමිණීමක් විය. පැමිණෙන ලද ත්‍රිවිද්‍යාවෝ ඇත්තාහුය. මා විසින් බුදුරජාණන් වහන්සේ ගේ සසුන කරණ ලදී.
4683. සිව් පිළිසිඹියාවෝද, අෂ්ට විමොක්‍ෂයෝද, ෂඩභිඥාවෝද සාක්‍ෂාත් කරණ ලදී. බුදුරජාණන් වහන්සේගේ සසුනද කරණලදී.
මෙහි මේ අයුරින් ආයුෂ්මත් කලම්බදායක තෙරුන් වහන්සේ මෙම ගාථාවන් වදාළ සේක.
කළම්බදායකත්ථෙරස්සාපදානං ඡට්ඨං.
437. අම්බාටක දායක ථේරාපදානය
4684. මහ වනයෙහිදී සියල්ල තෙමේම දත්, පස් මරුන් දිනූ බුදුරජුන් දැක මම ඇඹරැල්ල (ගෙඩියක්) ගෙන (එම)බුදුරජුන්හට දුනිමි.
4685. මින් එක් තිස්වන කපෙහිවූ එකල්හි යම් ඵල දානයක් දුනිම්ද, (ඒ හේතුවෙන්) දුගතියක් නොදනිමි. ඵල දානයාගේ මේ විපාකයයි.