6. සාවජ්ජ උපහතත්ත සූත්‍රය
152. “මහණෙනි, ධර්ම තුනකින් යුක්තවූ... (පෙර පරිදි වේ)
වරද සහිත කාය කර්මයෙන්ද, වරද සහිත වාක් කර්මයෙන්ද, වරද සහිත මනො කර්මයෙන්ද වෙයි. මහණෙනි, මේ ධර්ම තුනෙන් යුත්, අව්‍යක්තවූ, අසත්පුරුෂවූ බාල තෙම, ගුණ සාරා දමන ලද, විනාශ කරන ලද ආත්මයක් පරිහරණය කරයි. වරද සහිතයෙක්ව, නුවණැතියන් විසින් ගර්හා කළ යුත්තෙක්ව බොහෝ අකුසල්ද රැස් කරයි.
“මහණෙනි, ධර්ම තුනකින් යුත්... (පෙර පරිදි වේ)
වරද රහිත කාය කර්මයෙන්ද, වරද රහිත වාක් කර්මයෙන්ද, වරද සහිත මනො කර්මයෙන්ද, වෙයි. මහණෙනි, මේ ධර්ම තුනෙන් යුත්, ව්‍යක්තවූ, සත්පුරුෂවූ පණ්ඩිත පුරුෂ තෙමේ, ගුණ නොනසන ලද, විනාශ නොකරන ලද ආත්මය පරිහරණය කරයි. නිරවද්‍යවූයේ, නුවණැත්තන් විසින් ගර්හා නොකළ යුත්තෙක්ව බොහෝ පින්ද රැස් කරයි.
7. විසම උපහතත්ත සූත්‍රය
153. “මහණෙනි, ධර්ම තුනකින් යුක්තවූ... (පෙර පරිදි වේ)
විසම කාය කර්මයෙන්ද, විසම වාක් කර්මයෙන්ද, විසම මනො කර්මයෙන්ද වෙයි. මහණෙනි, මේ ධර්ම තුනෙන් යුත්, අව්‍යක්තවූ, අසත්පුරුෂවූ බාල තෙම, ගුණ සාරා දමන ලද, විනාශ කරන ලද ආත්මයක් පරිහරණය කරයි. වරද සහිතයෙක්ව, නුවණැතියන් විසින් ගර්හා කළ යුත්තෙක්ව බොහෝ අකුසල්ද රැස් කරයි.
“මහණෙනි, ධර්ම තුනකින් යුත්... (පෙර පරිදි වේ)
සමවූ කාය කර්මයෙන්ද, සමවූ වාක් කර්මයෙන්ද, සමවූ මනො කර්මයෙන්ද, වෙයි. මහණෙනි, මේ ධර්ම තුනෙන් යුත්, ව්‍යක්තවූ, සත්පුරුෂවූ පණ්ඩිත පුරුෂ තෙමේ, ගුණ නොනසන ලද, විනාශ නොකරන ලද ආත්මය පරිහරණය කරයි. නිරවද්‍යවූයේ, නුවණැත්තන් විසින් ගර්හා නොකළ යුත්තෙක්ව බොහෝ පින්ද රැස් කරයි.
8. අසූචි උපහතත්ත සූත්‍රය
154. “මහණෙනි, ධර්ම තුනකින් යුක්තවූ... (පෙර පරිදි වේ)
අපිරිසිදුවූ කාය කර්මයෙන්ද, අපිරිසිදුවූ වාක් කර්මයෙන්ද, අපිරිසිදුවූ මනො කර්මයෙන්ද වෙයි. මහණෙනි, මේ ධර්ම තුනෙන් යුත්, අව්‍යක්තවූ, අසත්පුරුෂවූ බාල තෙම, ගුණ සාරා දමන ලද, විනාශ කරන ලද ආත්මයක් පරිහරණය කරයි. වරද සහිතයෙක්ව, නුවණැතියන් විසින් ගර්හා කළ යුත්තෙක්ව බොහෝ අකුසල්ද රැස් කරයි.
“මහණෙනි, ධර්ම තුනකින් යුත්... (පෙර පරිදි වේ)
පිරිසිදුවූ කාය කර්මයෙන්ද, පිරිසිදුවූ වාක් කර්මයෙන්ද, පිරිසිදුවූ මනො කර්මයෙන්ද, වෙයි. මහණෙනි, මේ ධර්ම තුනෙන් යුත්, ව්‍යක්තවූ, සත්පුරුෂවූ පණ්ඩිත පුරුෂ තෙමේ... (පෙර පරිදි වේ)
මහණෙනි, මේ ධර්ම තුනෙන් යුත්, ව්‍යක්තවූ, සත්පුරුෂවූ පණ්ඩිත පුරුෂ තෙමේ, ගුණ නොනසන ලද, විනාශ නොකරන ලද ආත්මය පරිහරණය කරයි. නිරවද්‍යවූයේ, නුවණැත්තන් විසින් ගර්හා නොකළ යුත්තෙක්ව බොහෝ පින්ද රැස් කරයි.
9. වන්‍දනාත්තය සූත්‍රය
155. “මහණෙනි, මේ වැඳුම් තුනකි.
කවර තුනක්ද?
කයින් වැඳුමද, වචනයෙන් වැඳුමද, සිතින් වැඳුමද වෙයි.
මහණෙනි, මේ වනාහි වැඳුම් තුනය.”
10. සුමඞ්ගල (හෝ) සුප්පහාත සූත්‍රය
156. “මහණෙනි, යම් සත්ත්‍ව කෙනෙක් පෙරවරු කාලයෙහි කයින් සුචරිතයෙහි හැසිරෙද්ද, වචනයෙන් සුචරිතයෙහි හැසිරෙද්ද, සිතින් සුචරිතයෙහි හැසිරෙද්ද, මහණෙනි, ඒ සත්ත්‍වයන්ට යහපත් පෙරවරු කාලයක් වෙයි.
“මහණෙනි, යම් සත්ත්‍ව කෙනෙක් මධ්‍යාහ්ණ කාලයෙහි කයින් සුචරිතයෙහි හැසිරෙද්ද, වචනයෙන් සුචරිතයෙහි හැසිරෙද්ද, සිතින් සුචරිතයෙහි හැසිරෙද්ද, මහණෙනි, ඒ සත්ත්‍වයන්ට යහපත් මධ්‍යාහ්ණ කාලයක් වෙයි.
“මහණෙනි, යම් සත්ත්‍ව කෙනෙක් සවස් කාලයෙහි කයින් සුචරිතයෙහි හැසිරෙද්ද, වචනයෙන් සුචරිතයෙහි හැසිරෙද්ද, සිතින් සුචරිතයෙහි හැසිරෙද්ද, මහණෙනි, ඒ සත්ත්‍වයන්ට යහපත් සවස් කාලයක් වෙයි.
‘(ඔවුන්ට) ශුභ නැකතකි. ශුභ මගුලකි. ශුභ හිරු උදාවකි. ශුභ පිබිදීමකි. ශුභ ක්‍ෂණයකි. ශුභ මුහුර්‍තයකි. බ්‍රහ්මචාරීන් කෙරෙහි මනා දන් දීමකි.”
“දියුණුවූ කාය කර්‍ම වෙයි. දියුණුවූ වාක් කර්‍ම වෙයි. දියුණුවූ මනො කර්‍ම වෙයි. දියුණුවූ ප්‍රාර්‍ථනා වෙත්. දියුණුවූ කර්‍මයන් නොට මෙහි දියුණුව ලබත්.
“බුද්ධ ශාසනයෙහි වැඩුනාවූ, සුඛිතවූ, ලබන ලද අර්‍ථ ඇත්තාවූ ඔවුහු, සියලු ඤාතීන් සමග නීරෝගීව, සැප ඇත්තෝ වව්.”
පසළොස්වැනි මඞ්ගල වර්‍ගය නිමි.
තුන්වැනිවූ ඛුද්දක පණ්ණාසකය නිමි.
[6. අචෙලක වර්‍ගය]
3. 6. 1.
[සැවැත් නිදානයි]
157-163. 1. “මහණෙනි, මේ ප්‍රතිපදා තුනකි.
කවර තුනක්ද?
ආහාළ්හ පටිපදා (කර්‍කශ ප්‍රතිපදාව), නිජඣාම පටිපදා (දැවීම් සහිත ප්‍රතිපදාව), මජ්ඣිම පටිපදා (මධ්‍යම ප්‍රතිපදාව) යනුයි.
2. “මහණෙනි, ආහාළ්හ පටිපදාව නම් කවරේද?
මහණෙනි, මේ ලෝකයෙහි ඇතැම් පුද්ගලයෙක්, කාමයන්හි දෝෂයක් නැත, යන මේ දෘෂ්ටිය ඇත්තේ වෙයි. හෙතෙම කාම වස්තූන් පරිභෝගයට පැමිණෙයි. මහණෙනි, මේ ආහාළ්හ පටිපදාවයි.