අකුසලං ධම්මං පච්චයා අකුසලො ධම්මො උප්පජ්ජති න හෙතු පච්චයා, විචිකිච්ඡාසහගතෙ උද්ධච්චසහගතෙ ඛන්‍ධෙ පච්චයා විචිකිච්ඡාසහගතො උද්ධච්චසහගතො මොහො.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති න හෙතු පච්චයා, අහෙතුකං විපාකාබ්‍යාකතං කිරියාබ්‍යාකතං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, -පෙ- ද්වෙ ඛන්‍ධෙ පච්චයා ද්වෙ ඛන්‍ධා චිත්තසමුට්ඨානඤ්ච රූපං. අහෙතුක පටිසන්‍ධික්ඛණෙ විපාකාබ්‍යාකතං එකං ඛන්‍ධං පච්චයා තයො ඛන්‍ධා කටත්තා ච රූපං, -පෙ- ද්වෙ ඛන්‍ධෙ පච්චයා ද්වෙ ඛන්‍ධා කටත්තා ච රූපං ඛන්‍ධෙ පච්චයා වත්‍ථු, වත්‍ථුං පච්චයා ඛන්‍ධා, එකං මහාභූතං පච්චයා තයො මහාභූතං, -පෙ- මහාභූතෙ පච්චයා චිත්තසමුට්ඨානං රූපං, කටත්තා රූපං, උපාදාය රූපං. බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පච්චයා තයො මහාභූතා, -පෙ- මහාභූතෙ පච්චයා කටත්තාරූපං උපාදායරූපං, චක්ඛායතනං පච්චයා චක්ඛුවිඤ්ඤාණං, -පෙ- කායායතනං පච්චයා කායවිඤ්ඤාණං, වත්‍ථුං පච්චයා අහෙතුකවිපාකාබ්‍යාකතා කිරියාබ්‍යාකතං ඛන්‍ධා, අබ්‍යාකතං ධම්මං පච්චයා අකුසලො ධම්මො උප්පජ්ජති න හෙතුපච්චයා, වත්‍ථුං පච්චයා විචිකිච්ඡාසහගතො උද්ධච්ච සහගතො මොහො.
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති න හෙතුපච්චයා, විචිකිච්ඡා සහගතෙ උද්ධච්චසහගතෙ ඛන්‍ධෙ ච වත්‍ථුං ච පච්චයා විචිකිච්ඡාසහගතො උද්ධච්චසහගතො මොහො.
කුසලං ධම්මං පච්චයා අබ්‍යාකතො ධම්මො උප්පජ්ජති න ආරම්මණපච්චයා, කුසලෙ ඛන්‍ධෙ පච්චයා චිත්තසමුට්ඨානං රූපං. යථා පටිච්චවාරෙ න ආරම්මණපච්චයා එවං විත්‍ථාරෙතබ්බං.
කුසලං ධම්මං පච්චයා කුසලො ධම්මො උප්පජ්ජති න අධිපතිපච්චයා, කුසලං එකං ඛන්‍ධං පච්චයා, තීණි, අකුසලං ධම්මං පච්චයා තීණි. අබ්‍යාකතං ධම්මං පච්චයා පටිසන්‍ධික්ඛණෙ -පෙ- අබ්‍යාකතං, පරිපුණ්ණං කාතබ්බං. බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පච්චයා -පෙ- චක්ඛායතනං පච්චයා චක්ඛුවිඤ්ඤාණං -පෙ- කායායතනං පච්චයා කායවිඤ්ඤාණං, වත්‍ථුං පච්චයා විපාකාබ්‍යාකතා කිරියාබ්‍යාකතා ඛන්‍ධා.
අබ්‍යාකතං ධම්මං පච්චයා කුසලො ධම්මො උප්පජ්ජති න අධිපතිපච්චයා, වත්‍ථුං පච්චයා කුසලා ඛන්‍ධා, -පෙ- යථා අනුලොමෙ සහජාත පච්චයා එවං ගණෙතබ්බං.
කුසලං ධම්මං පච්චයා අබ්‍යාකතො ධම්මො උප්පජ්ජති න අනන්තර පච්චයා න සමනන්තර පච්චයා, න අඤ්ඤමඤ්ඤපච්චයා, න උපනිස්සය පච්චයා න පුරෙජාතපච්චයා. යථා පටිච්චවාරෙ එවං විත්‍ථාරෙතබ්බං.
කුසලං ධම්මං පච්චයා කුසලො ධම්මො උප්පජ්ජති න පච්ඡාජාතපච්චයා, න ආසෙවනපච්චයා, චක්ඛායතනං පච්චයා -පෙ- න පච්ඡාජාතපච්චයං පි න ආසෙවනපච්චයං පි පරිපුණ්ණං සත්තරස. යථා අනුලොමෙ සහජාතපච්චයා එවං විත්‍ථාරෙතබ්බං.
කුසලං ධම්මං පච්චයා කුසලො ධම්මො උප්පජ්ජති න කම්ම පච්චයා, කුසලෙ ඛන්‍ධෙ පච්චයා කුසලා චෙතනා.
අකුසලං ධම්මං පච්චයා අකුසලො ධම්මො උප්පජ්ජති න කම්ම පච්චයා, අකුසලෙ ඛන්‍ධෙ පච්චයා අකුසලා චෙතනා.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති න කම්මපච්චයා, කිරියාබ්‍යාකතෙ ඛන්‍ධෙ පච්චයා කිරියාබ්‍යාකතා චෙතනා. බාහිරං ආහාරසමුට්ඨානං උතුසමුට්ඨානං එකං මහාභූතං පච්චයා -පෙ- උපාදායරූපං වත්‍ථුං පච්චයා කිරියාබ්‍යාකතා චෙතනා.
අබ්‍යාකතං ධම්මං පච්චයා කුසලො ධම්මො උප්පජ්ජති න කම්මපච්චයා, වත්‍ථුං පච්චයා කුසලා චෙතනා. අබ්‍යාකතං ධම්මං පච්චයා අකුසලො ධම්මො උප්පජ්ජති න කම්මපච්චයා, වත්‍ථුං පච්චයා අකුසලා චෙතනා.
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති න කම්ම පච්චයා, කුසලෙ ඛන්‍ධෙ ච වත්‍ථුං ච පච්චයා කුසලා චෙතනා.
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති න කම්මපච්චයා, අකුසලෙ ඛන්‍ධෙච වත්‍ථුං ච පච්චයා අකුසලා චෙතනා.
කුසලං ධම්මං පච්චයා කුසලො ධම්මො උප්පජ්ජති න විපාක පච්චයා, කුසලං එකං ඛන්‍ධං පච්චයා තීණි. අකුසලං ධම්මං පච්චයා අකුසලා චෙතනා.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති න විපාකපච්චයා, කිරියාබ්‍යාකතං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, -පෙ- ද්වෙ ඛන්‍ධෙ පච්චයා ද්වෙ ඛන්‍ධා චිත්ත සමුට්ඨානඤ්ච රූපං. එකං මහාභූතං පච්චයා තයො මහාභූතා -පෙ- මහාභූතෙ පච්චයා චිත්තසමුට්ඨානං රූපං. උපාදායරූපං, බාහිරං ආහාර සමුට්ඨානං උතුසමුට්ඨානං අසඤ්ඤසත්තානං එකං මහාභූතං පච්චයා තයො මහාභූතා -පෙ- මහාභූතෙ පච්චයා කටත්තාරූපං, උපාදායරූපං, වත්‍ථුං පච්චයා කිරියාබ්‍යාකතං ඛන්‍ධා, අබ්‍යාකතං ධම්මං පච්චයා කුසලො ධම්මො උප්පජ්ජති න විපාකපච්චයා, වත්‍ථුං පච්චයා කුසලා ඛන්‍ධා, විපාකං ඨපෙත්‍වා සබ්බත්‍ථ විත්‍ථාරෙතබ්බං,
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති න ආහාරපච්චයා, න ඉන්‍ද්‍රියපච්චයා, න ඣාන පච්චයා, චක්ඛායතනං පච්චයා චක්ඛුවිඤ්ඤාණං, -පෙ- කායායතනං පච්චයා කායවිඤ්ඤාණං, න ඣානෙ ඉමං නානාකරණං න මග්ගපච්චයා චක්ඛායතනං පච්චයා චක්ඛුවිඤ්ඤාණං -පෙ- කායායතනං පච්චයා කායවිඤ්ඤාණං වත්‍ථුං පච්චයා අහෙතුක විපාකාබ්‍යාකතා කිරියාබ්‍යාකතං ඛන්‍ධා, න මග්ගෙ ඉමං නානාකරණං අවසෙසං යථා පටිච්චවාරෙ පච්චනීයං එවං විත්‍ථාරෙතබ්බං.
න සම්පයුත්තපච්චයා, න විප්පයුත්තපච්චයා, නො නත්‍ථි පච්චයා, කුසලං ධම්මං පච්චයා අබ්‍යාකතො ධම්මො උප්පජ්ජති නො විගත පච්චයා කුසලෙ ඛන්‍ධෙ පච්චයා චිත්තසමුට්ඨානං රූපං. යථා පටිච්චවාරෙ එවං විත්‍ථාරෙතබ්බං.