කුසලං ධම්මං පච්චයා කුසලො ධම්මො උප්පජ්ජති කම්ම පච්චයා, කුසලං එකං ඛන්‍ධං පච්චයා, තීණි.
අකුසලං ධම්මං පච්චයා අකුසලො ධම්මො උප්පජ්ජති කම්ම පච්චයා, තීණි.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති කම්මපච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පච්චයා -පෙ- පටිසන්‍ධික්ඛණෙ එකං මහාභූතං පච්චයා -පෙ- අසඤ්ඤසත්තානං එකං මහාභූතං පච්චයා, මහාභූතෙ පච්චයා කටත්තා රූපං උපාදාය රූපං, චක්ඛායතනං පච්චයා චක්ඛුවිඤ්ඤාණං -පෙ- කායායතනං පච්චයා, කායවිඤ්ඤාණං, වත්‍ථුං පච්චයා විපාකාබ්‍යාකතා කිරියාබ්‍යාකතං ඛන්‍ධා, අබ්‍යාකතං ධම්මං පච්චයා කුසලොධම්මො උප්පජ්ජති කම්මපච්චයා, වත්‍ථුං පච්චයා කුසලා ඛන්‍ධා අබ්‍යාකතං ධම්මං පච්චයා අකුසලො ධම්මො උප්පජ්ජති කම්මපච්චයා, වත්‍ථුං පච්චයා අකුසලා ඛන්‍ධා.
කුසලං ච අබ්‍යාකතඤ්ච ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති කම්මපච්චයා,
අකුසලඤ්ච අබ්‍යාකතඤ්ච ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති කම්මපච්චයා, අකුසලං එකං ඛන්‍ධඤ්ච වත්‍ථුං ච පච්චයා -පෙ- අකුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං.