කුසලං ධම්මං පච්චයා කුසලොධම්මො උප්පජ්ජති ආසෙවන පච්චයා, කුසලං එකං ඛන්‍ධං පච්චයා -පෙ- අකුසලං ධම්මං පච්චයා අකුසලො ධම්මො උප්පජ්ජති ආසෙවන පච්චයා, අකුසලං එකං ඛන්‍ධං පච්චයා -පෙ- අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති ආසෙවන පච්චයා, කිරියාබ්‍යාකතං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධා, වත්‍ථුං පච්චයා කිරියාබ්‍යාකතං ඛන්‍ධා, අබ්‍යාකතං ධම්මං පච්චයා කුසලො ධම්මො උප්පජ්ජති ආසෙවන පච්චයා, වත්‍ථුං පච්චයා කුසලා ඛන්‍ධා. අබ්‍යාකතං ධම්මං පච්චයා අකුසලො ධම්මො උප්පජ්ජති ආසෙවන පච්චයා, වත්‍ථුං පච්චයා අකුසලා ඛන්‍ධා.
කුසලඤ්ච අබ්‍යාකතඤ්ච ධම්මං පච්චයා -පෙ- අකුසලං ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති ආසෙවන පච්චයා, අකුසලං එකං ඛන්‍ධං ච වත්‍ථුං ච පච්චයා තයො ඛන්‍ධා, -පෙ-