අත්‍ථිපච්චයා හෙතුයා සත්ත, ආරම්මණෙ තීණි, අධිපතියා අට්ඨ. සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ එකං, පුරෙජාතෙ තීණි, පච්ඡාජාතෙ තීණි; කම්මෙ සත්ත, විපාකෙ එකං, ආහාරෙ සත්ත, ඉන්‍ද්‍රියෙ සත්ත, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අවිගතෙ තෙරස.
අත්‍ථි අවිගතන්ති තෙරස, අත්‍ථි නිස්සය අවිගතන්ති තෙරස, අත්‍ථි අධිපති අවිගතන්ති, අට්ඨ අත්‍ථි අධිපති නිස්සය අවිගතන්ති අට්ඨ, අත්‍ථි ආහාර අවිගතන්ති සත්ත, අත්‍ථි ඉන්‍ද්‍රිය අවිගතන්ති සත්ත, අත්‍ථි නිස්සය ඉන්‍ද්‍රිය අවිගතන්ති පඤ්ච, අත්‍ථි විප්පයුත්ත අවිගතන්ති පඤ්ච, අත්‍ථි නිස්සය විප්පයුත්ත අවිගතන්ති පඤ්ච, අත්‍ථි අධිපති නිස්සය විප්පයුත්ත අවිගතන්ති චත්තාරි, අත්‍ථි නිස්සය ඉන්‍ද්‍රිය විප්පයුත්ත අවිගතන්ති තීණි.
අත්‍ථි පච්ඡාජාත විප්පයුත්ත අවිගතන්ති තීණි, අත්‍ථි පුරෙජාත අවිගතන්ති තීණි, අත්‍ථි නිස්සය පුරෙජාත විප්පයුත්ත අවිගතන්ති තීණි, අත්‍ථි ආරම්මණ පුරෙජාත අවිගතන්ති තීණි, අත්‍ථි ආරම්මණ නිස්සය පුරෙජාත විප්පයුත්ත අවිගතන්ති තීණි, අත්‍ථි ආරම්මණාධිපති උපනිස්සය පුරෙජාත අවිගතන්ති එකං. අත්‍ථි ආරම්මණාධිපති නිස්සය උපනිස්සය පුරෙජාත විප්පයුත්ත අවිගතන්ති එකං, අත්‍ථි නිස්සය පුරෙජාත ඉන්‍ද්‍රිය විප්පයුත්ත අවිගතන්ති එකං. (පකිණ්ණකං නාම ඉමං)
අත්‍ථි සහජාත නිස්සය අවිගතන්ති නව, අත්‍ථි සහජාත අඤ්ඤමඤ්ඤ නිස්සය අවිගතන්ති තීණි, අත්‍ථි සහජාත අඤ්ඤමඤ්ඤ නිස්සය සම්පයුත්ත අවිගතන්ති තීණි, අත්‍ථි සහජාත නිස්සය විප්පයුත්ත අවිගතන්ති තීණි. අත්‍ථි සහජාත අඤ්ඤමඤ්ඤ නිස්සය විප්පයුත්ත අවිගතන්ති එකං.
අත්‍ථි සහජාත නිස්සය විපාක අවිගතන්ති එකං, අත්‍ථි සහජාත අඤ්ඤමඤ්ඤ නිස්සය විපාක අවිගතන්ති එකං, අත්‍ථි සහජාත අඤ්ඤමඤ්ඤ නිස්සය විපාක සම්පයුත්ත අවිගතන්ති එකං, අත්‍ථි සහජාත නිස්සය විපාක විප්පයුත්ත අවිගතන්ති එකං, අත්‍ථි සහජාත අඤ්ඤමඤ්ඤ නිස්සය විපාක විප්පයුත්ත අවිගතන්ති එකං.