උපනිස්සයපච්චයා ආරම්මණෙ සත්ත, අධිපතියා සත්ත, අනන්තරෙ සත්ත, සමනන්තරෙ සත්ත, නිස්සයෙ එකං, පුරෙජාතෙ එකං, ආසෙවනෙ තීණි, කම්මෙ ද්වෙ, විප්පයුත්තෙ එකං, අත්‍ථියා එකං, නත්‍ථියා සත්ත, විගතෙ සත්ත, අවිගතෙ එකං.
උපනිස්සය ආරම්මණාධිපතී ති සත්ත, උපනිස්සය ආරම්මණාධිපති පුරෙජාත අත්‍ථි අවිගතන්ති එකං, උපනිස්සය ආරම්මණාධිපති නිස්සය පුරෙජාත විප්පයුත්ත අත්‍ථි අවිගතන්ති එකං උපනිස්සය අනන්තර සමනන්තර නත්‍ථි විගතන්ති සත්ත, උපනිස්සය අනන්තර සමනන්තර ආසෙවන නත්‍ථි විගතන්ති තීණි, උපනිස්සය කම්මන්ති ද්වෙ, උපනිස්සය අනන්තර සමනන්තර කම්ම නත්‍ථි විගතන්ති එකං.