කුසලො ධම්මො කුසලස්ස ධම්මස්ස ඉන්‍ද්‍රියපච්චයෙන පච්චයො. කුසලා ඉන්‍ද්‍රියා සම්පයුත්තකානං ඛන්‍ධානං ඉන්‍ද්‍රියපච්චයෙන පච්චයො.
කුසලො ධම්මො අබ්‍යාකතස්ස ධම්මස්ස ඉන්‍ද්‍රියපච්චයෙන පච්චයො, කුසලා ඉන්‍ද්‍රියා චිත්තසමුට්ඨානානං රූපානං ඉන්‍ද්‍රියපච්චයෙන පච්චයො.
කුසලො ධම්මො කුසලස්ස ච අබ්‍යාකතස්ස ච ධම්මස්ස ඉන්‍ද්‍රියපච්චයෙන පච්චයො, කුසලා ඉන්‍ද්‍රියා සම්පයුත්තකානං ඛන්‍ධානං චිත්තසමුට්ඨානානඤ්ච රූපානං ඉන්‍ද්‍රියපච්චයෙන පච්චයො.
අකුසලො ධම්මො අකුසලස්ස ධම්මස්ස ඉන්‍ද්‍රියපච්චයෙන පච්චයො, අකුසලා ඉන්‍ද්‍රියා සම්පයුත්තකානං ඛන්‍ධානං ඉන්‍ද්‍රියපච්චයෙන පච්චයො.
අකුසලො ධම්මො අබ්‍යාකතස්ස ධම්මස්ස ඉන්‍ද්‍රියපච්චයෙන පච්චයො, අකුසලා ඉන්‍ද්‍රියා චිත්තසමුට්ඨානාන රූපානං ඉන්‍ද්‍රියපච්චයෙන පච්චයො.
අබ්‍යාකතො ධම්මො අබ්‍යාකතස්ස ධම්මස්ස ඉන්‍ද්‍රියපච්චයෙන පච්චයො, විපාකාබ්‍යාකතා කිරියාබ්‍යාකතං ඉන්‍ද්‍රියා සම්පයුත්තකානං ඛන්‍ධානං චිත්තසමුට්ඨානානඤ්ච රූපානං ඉන්‍ද්‍රියපච්චයෙන පච්චයො, පටිසන්‍ධික්ඛණෙ විපාකාබ්‍යාකතා ඉන්‍ද්‍රියා සම්පයුත්තකානං ඛන්‍ධානං කටත්තා ච රූපානං ඉන්‍ද්‍රියපච්චයෙන පච්චයො, චක්ඛුන්‍ද්‍රියං චක්ඛුවිඤ්ඤාණස්ස ඉන්‍ද්‍රියපච්චයෙන පච්චයො, සොතින්‍ද්‍රියං සොතවිඤ්ඤාණස්ස ඝානින්‍ද්‍රියං ඝානවිඤ්ඤාණස්ස ජිව්හින්‍ද්‍රියං ජිව්හාවිඤ්ඤාණස්ස, කායින්‍ද්‍රියං කායවිඤ්ඤාණස්ස ඉන්‍ද්‍රියපච්චයෙන පච්චයො, රූපජීවිතින්‍ද්‍රියං කටත්තා ච රූපානං ඉන්‍ද්‍රියපච්චයෙන පච්චයො.