ඤෙය්‍යප්පමාණ ඤාණෙන - බුද්ධෙන චෙව තාදිනා,

තස්ස සම්පත්ත මොක්ඛෙහි - සාවකෙහි ච දෙසිතා

.

මොක්ඛප්පකාසකා තීසු - පිටකෙසු තහිං තහිං,

විචිත්ත නය සංයුත්තා - සන්ති යා දෙසනා සුභා

.

තාසං අට්ඨකථායො ච - නානා භාසාහි සණ්ඨිතා,

තායො ච අඤ්ඤෙ ගන්ථෙ ච - කවීනං මනවඩ්ඪනෙ

.

සන්නිස්සාය විනිච්ඡිත්වා - නා නා වාදෙ යථාබලං,

අමතං දීපයන්තෙන - සාධූහි අභිපත්ථිතං

.

පත්වාන මුම්ම විසයං - ධම්මං සම්බුද්ධ දෙසිතං,

උග්ගහෙත්වාන පත්තෙන - ලද්ධකාදීප ‘මිමං පුන

.

චන්දවිමල නාමෙන - යතිනා මොක්ඛ කාමිනා,

පකතො ගන්ථො නිබ්බාන - විනිච්ඡයව්හයො අයං

.

ජිව්හග්ගෙ යාව සත්තානං - බුද්ධොති පදමුත්තමං,

වත්තතෙ තාව ගන්ථො යං - තොසයතො කවිජ්ජනෙ

.

දීපයං අමතං ධාතුං - දුක්ඛ මුත්ති ගවෙසිනං,

පුණ්ණචන්දොව ආකාසෙ - ලෝකස්මිං සුපවත්තතං.