ඇතැම් ආචාර්‍ය්‍යවරයෝ “දිට්ඨධම්මිකාති ඉමස්මිං අත්තභාවේ භවා වත්තමානා සම්පරායිකාති ඛන්ධභේදතො පරභාගෙ භවා වත්තමානා” යන මෙහි භවා වත්තමානා යන පදයන්ගේ අර්ථය වරදවා තේරුම් ගෙන නිර්වාණයා ගේ අන්‍ය නාමරූප ධර්මයන් මෙන් ඖදාරික වූ ජාතියක් (හට ගැනීමක්) නැතත් සූක්‍ෂම ජාතියක් ඇත්තේ යයි කියත්. ඔවුහු සෝපාදිශේශ නිර්වාණ ධාතුව මාර්ග ඵලයන්ගේ උප්පත්තියෙහි පටන් ද අනුපාදිශේෂ නිර්වාණධාතුව පරිනිර්වාණ ව්‍යුතිචිත්තයාගේ නිරෝධයේ පටන්ද අතිසූක්‍ෂමාකාරයෙන් හට ගන්නේ යැයි සලකත්.