ෂට් අසාධාරණ ඥානය නම්
- ඉන්‍ද්‍රිය පරො පරියත්ත ඥානය
- ආසයානුසය ඥානය
- යමකප්‍රාතිහාර්‍ය්‍ය ඥානය
- මහා කරුණාසමාපත්ති ඥානය
- සර්‍වඥතා ඥානය
- අනාවරණ ඥානය.
අෂ්ටාදශ බුද්ධ ධර්මය හෙවත් බුදුරජාණන් වහන්සේට නිතර පුරුදු වූ ධර්ම දහඅට.
තීඤාණ මද්ධාසු අනාගතාදිසු-තිකම්මඤාණං
විගතං විසුද්ධං
අඞ්ගානි ඡන්‍දස්සච දෙසනාය-සම්මානි පග්ගාහ
විමුත්තිධීනං
චාරවා අප්ඵුත මෙව නත්‍ථි-වෙගායිතත්‍යව්‍යාවට
චිත්තතාච
නෙවත්‍ථි තස්සප්පවිඝංචුපෙක්ඛා-තෙ හොන්ති
අට්ඨාරස බුද්ධ ධම්මා
- බුදුන්වහන්සේගේ අතීතකොටසෙහි නොපැකිලි කුළුණු නුවණ.
- අනාගත කොටසෙහි නො පැකිලි කුළුණු නුවණ.
- වර්තමාන කොටසෙහි නො පැකිලි කුළුණු නුවණ.
- මේ කරුණු තුනෙන් යුත් බුදුන්වහන්සේගේ සියලු කාය කර්ම ද.
- එසේම වූ වාක් කර්ම ද,
- එසේම වූ මනඃ කර්ම ද, නුවණ පෙරටු කොට පැවැත්ම.
- මේ ධර්ම සයෙන් යුත් බුදුන්වහන්සේට ධර්මය පිළිබඳ ඡන්‍දයාගේ හානියක් නැත්තේ ය,
- ධර්ම දේශනාවගේ ද,
- වීර්යයාගේ ද,
- සමාධියගේ ද,
- ප්‍රඥාවගේ ද,
- විමුක්තියගේ ද,
- මේ ධර්ම දොළොසින් යුත් බුදුන්වහන්සේගේ ක්‍රීඩාභිප්‍රායෙක් නැත්තේ ය,
- බලහත්කාරයෙන් කරන ක්‍රියාවක් නැත්තේ ය.
- නුවණින් නුදුටු දෙයක් නැත්තේ ය,
- ඉක්මන් ක්‍රියාවක් නැත්තේ ය,
- නිෂ්ප්‍රයෝජන වූ සිත් පැවැත්මක් නැත්තේ ය,
- අඥාන මැදහත් කමක් නැත්තේ ය.
මෙසේ බොහෝ අනුසස් ඇති, සියලු බුද්ධකාරක ධර්ම හෙවත් පාරමි ධර්ම පිරීමට උපනිශ්‍රය වන මේ සතර බ්‍රහ්මවිහරණයන් උත්සාහයෙන් වැඩිය යුතු.