“එක් සමයෙක්හි භාග්‍යවතුන් වහන්සේ රජගහනුවර ගිජ්ඣකූට පර්‍වතයෙහි වැඩ වාසය කරණ සේක. එසමයෙහි වනාහි භාග්‍යවතුන් වහන්සේ දෙව්දත් තෙරුන් සංඝභෙද කොට එතැනින් පහව ගිය නොබෝ වේලාවකින් ඒ දෙව්දත් තෙරුන් අරභයා භික්‍ෂූන්ට ආමන්ත්‍රණය කොට වදාළ සේක.

“මහණෙනි, පැවිදිතෙම කලින් කල තමාගේ විපත්තිය ගැන ප්‍රත්‍යවෙක්‍ෂා කරන්නේ නම් යහපති. අනුන්ගේ විපත්තිය ගැනද කලින් කල ප්‍රත්‍යවෙක්‍ෂා කරන්නේ නම් යහපති. තමාගේ සම්පත්තිය ගැන කලින් කල ප්‍රත්‍යවෙක්‍ෂා කරන්නේ නම් යහපති. අනුන්ගේ සම්පත්තිය ගැනද කලින් කල ප්‍රත්‍යවෙක්‍ෂා කරන්නේ නම් යහපති. “මහණෙනි, අසද්‍ධර්‍ම අටකින් මඩනා ලද්දාවූ, හාත්පසින් යටකොට ගන්නා ලද්දාවූ, සිත් ඇති දේවදත්තයා අපායට හිමිවූවෙකි. නරකයට හිමිවූවෙකි. කල්පයක් නරකයෙහි පැසිය යුත්තෙකි. පිළියම් රහිතවූවෙකි.

මහණෙනි, ලාභයෙන් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් (නිරයෙහි) සිටින්නෙකි, පිළියම් නැත්තෙකි. මහණෙනි, අලාභයෙන් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් සිටින්නෙකි, පිළියම් නැත්තෙකි. මහණෙනි, යසසින් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් සිටින්නෙකි, පිළියම් නැත්තෙකි. මහණෙනි, අයසින් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් සිටින්නෙකි, පිළියම් නැත්තෙකි. මහණෙනි, සත්කාරයෙන් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් සිටින්නෙකි, පිළියම් නැත්තෙකි. මහණෙනි, අසත්කාරයෙන් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් සිටින්නෙකි, පිළියම් නැත්තෙකි. මහණෙනි, පවිටු ආශා ඇති බවින් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් සිටින්නෙකි, පිළියම් නැත්තෙකි. මහණෙනි, පාප මිත්‍ර ඇසුරෙන් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් (නිරයෙහි) සිටින්නෙකි, පිළියම් නැත්තෙකි.

මහණෙනි, මේ අසද්ධර්ම අටෙන් මඩනා ලද, හාත්පසින් යටකොට ගන්නා ලද සිත් ඇති දේවදත්ත අපායට යන්නෙකි, නිරයට යන්නෙකි, කල්පයක් (නිරයෙහි) සිටින්නෙකි, පිළියම් නැත්තෙකි.

මහණෙනි, භික්ෂුව උපන් ලාභය නැවත නැවත මැඩ පවත්වා වාසය කරන්නේ නම් මැනවි. උපන් අලාභය නැවත නැවත මැඩ පවත්වා වාසය කරන්නේ නම් මැනවි. උපන් යසස නැවත නැවත මැඩ පවත්වා වාසය කරන්නේ නම් මැනවි. උපන් අයස නැවත නැවත මැඩ පවත්වා වාසය කරන්නේ නම් මැනවි. උපන් සත්කාරය නැවත නැවත මැඩ පවත්වා වාසය කරන්නේ නම් මැනවි. උපන් අසත්කාරය නැවත නැවත මැඩ පවත්වා වාසය කරන්නේ නම් මැනවි. උපන් පවිටු ආශා ඇති බව නැවත නැවත මැඩ පවත්වා වාසය කරන්නේ නම් මැනවි. උපන් පාප මිත්‍ර ඇසුර නැවත නැවත මැඩ පවත්වා වාසය කරන්නේ නම් මැනවි.

මහණෙනි, භික්ෂුව කිනම් ප්‍රයෝජනයක් නිසා උපන් ලාභය නැවත නැවත මැඩ පවත්වා වාසය කරන්නේ ද? මහණෙනි, උපන් ලාභය මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් ලාභය මැඩ පවත්වා වාසය කරන ඔහුට පීඩා හා දැවිලි ඇති කරන ඒ ආශ්‍රවයෝ මෙසේ නොවෙත්.

මහණෙනි, උපන් අලාභය මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් අලාභය මැඩ පවත්වා වාසය කරන ඔහුට පීඩා හා දැවිලි ඇති කරන ඒ ආශ්‍රවයෝ මෙසේ නොවෙත්. උපන් යසස මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් යසස මැඩ පවත්වා වාසය කරන ඔහුට ඒ ආශ්‍රවයෝ මෙසේ නොවෙත්. උපන් අයස මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් අයස මැඩ පවත්වා වාසය කරන ඔහුට ඒ ආශ්‍රවයෝ මෙසේ නොවෙත්. උපන් සත්කාරය මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් සත්කාරය මැඩ පවත්වා වාසය කරන ඔහුට ඒ ආශ්‍රවයෝ මෙසේ නොවෙත්. උපන් අසත්කාරය මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් අසත්කාරය මැඩ පවත්වා වාසය කරන ඔහුට ඒ ආශ්‍රවයෝ මෙසේ නොවෙත්. උපන් පවිටු ආශා ඇති බව මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් පවිටු ආශා ඇති බව මැඩ පවත්වා වාසය කරන ඔහුට ඒ ආශ්‍රවයෝ මෙසේ නොවෙත්. උපන් පාප මිත්‍ර ඇසුර මැඩ නොපවත්වා වාසය කරන ඔහුට පීඩා හා දැවිලි ඇති කරන යම් ආශ්‍රවයෝ උපදින්නාහු ද, උපන් පාප මිත්‍ර ඇසුර මැඩ පවත්වා වාසය කරන ඔහුට පීඩා හා දැවිලි ඇති කරන ඒ ආශ්‍රවයෝ මෙසේ නොවෙත්.