7. අධිකරණසමථ
ආර්‍යාවෙනි, මේ අධිකරණසමථ ධර්ම හත උදෙසීමට පැමිණේ.
1. හටගන්නා හටගන්නා (විවාද ආදී) අධිකරණ සංසිඳවීම පිණිස, සන්සුන් කිරීම පිණිස සම්මුඛාවිනය (දෙපක්ෂය ඉදිරියේ විසඳීම) දිය යුතු ය, සතිවිනය (සිහියෙන් යුතු නිදොස් අයට දෙන විනය) දිය යුතු ය, අමූළ්හවිනය (උමතුව සිටියදී කළ දෙයට දෙන විනය) දිය යුතු ය, ප්‍රතිඥාවෙන් (තමන්ගේ පිළිගැනීමෙන්) කරවිය යුතු ය, යේභුය්‍යසිකා (බහුතර මතයෙන් තීරණය) ය, තස්සපාපිය්‍යසිකා (වරද නොපිළිගන්නාට එරෙහිව කරන කර්මය) ය, තිණවත්ථාරක (තණකොළ වසන්නාක් මෙන් වරද වසා සංසිඳවීම) ය.
2. ආර්‍යාවෙනි, අධිකරණසමථ ධර්ම හත උදෙසන ලදී. ඒ ගැන ආර්‍යාවන්ගෙන් අසමි: කිම, ඔබ පිරිසිදු ද? දෙවෙනි වරටත් අසමි: කිම, ඔබ පිරිසිදු ද? තුන්වෙනි වරටත් අසමි: කිම, ඔබ පිරිසිදු ද? මෙහි ආර්‍යාවෝ පිරිසිදු ය. එබැවින් නිශ්ශබ්දව සිටිති. මේ කරුණ මෙසේ දරමි.
අධිකරණසමථ නිමි.
3. ආර්‍යාවෙනි, නිදානය උදෙසන ලදී. පාරාජික ධර්ම අට උදෙසන ලදී. සංඝාදිසේස ධර්ම දාහත උදෙසන ලදී. නිස්සග්ගිය පාචිත්තිය ධර්ම තිහ උදෙසන ලදී. පාචිත්තිය ධර්ම එකසිය හැට හය උදෙසන ලදී. පාටිදේසනීය ධර්ම අට උදෙසන ලදී. සේඛිය ධර්ම උදෙසන ලදී. අධිකරණසමථ ධර්ම හත උදෙසන ලදී. ඒ භාග්‍යවතුන් වහන්සේගේ සූත්‍ර නම් වූ භික්ෂුණී විභංගයෙහි ආ, භික්ෂුණී විභංගයට ඇතුළත් වූ මෙපමණ ශික්ෂාපද අඩමසක් පාසා උදෙසීමට පැමිණේ. සමඟි වූ, සතුටු වන, විවාද නොකරන සියලු දෙනා විසින් ම මෙහි හික්මිය යුතු ය.
භික්ෂුණී විභංගය නිමි.
පාචිත්තිය පාළිය නිමි.