ආටානාටිය පිරිත

1. අප්පසන්නේහි නාථස්ස - සාසනේ සාධුසම්මතේ,

අමනුස්සේහි චණ්ඩෙහි - සදා කිබ්බිස කාරිහි

-

2. පරිසානං චතස්සන්නං - අහිංසායච ගුත්තියා,

යං දේසේහි මහා වීරෝ - පරිත්තං තං භණාමහේ

-

3. විපස්සිස්සච නමත්ථු - චක්ඛුමන්තස්ස සිරිමතෝ,

සිඛිස්සා පිච නමත්ථු - සබ්බ භූතානුකම්පිනෝ

-

4. වෙස්සභුස්සච නමත්ථු - නහාතකස්ස තපස්සිනෝ,

නමත්ථු කකුසන්ධස්ස - මාරසේනා පමද්දිනෝ

-

5. කෝණාගමනස්ස නමත්ථු - බ්‍රාහ්මණස්ස වුසීමතො,

කස්සපස්සච නමත්ථු - විප්පමුත්තස්ස සබ්බධී

-

6. අංගීරසස්ස නමත්ථු - සක්‍ය පුත්තස්ස සිරීමතෝ,

යෝ ඉමං ධම්මං දේසේසි - සබ්බදුක්ඛා පනූදනං

-

7. යේචාපි නිබ්බුතා ලෝකේ - යථා භූතං විපස්සිසුං,

තේ ජනා අපිසුණා - මහන්තා විතසාරදා

-

8. හිතං දෙවමනුස්සානං - යං නමස්සන්ති ගෝතමං,

විජ්ජාචරණ සම්පන්නං - මහන්තං වීතසාරදං

-

9. එතේ වඤ්ඤේච සම්බුද්ධා - අනේකසතකෝටියා,

සබ්බේ බුද්ධා සමසමා - සබ්බේ බුද්ධා මහිද්ධිකා

-

10. සබ්බේ දස බලූපේතා - වෙසාරජ්ජෙහුපාගතා,

සබ්බේ තේ පටිජානන්ති - ආසභං ඨානමුත්තමං

-

11. සීහනාදං නදන්තේ තේ - පරිසාසු විසාරදා,

බ්‍රහ්මචක්කං පවත්තෙන්ති - ලෝකේ අප්පටිවත්තියං

-

12. උපේතා බුද්ධ ධම්මේහි - අට්ඨාරසභි නායකා,

ඛත්තිංසලක්ඛණූපේතා - සීතානුඛ්‍යාඤ්ජනාධරා

-

13. ව්‍යාමප්පභාය සුප්පභා - සබ්බේ තේ මුනිකුඤ්ජරා,

බුද්ධා සබ්බඤ්ඤුනෝ එතේ - සබ්බේ ඛීණසවා ජිනා

-

14. මහා පභා මහා තේජා - මහා පඤ්ඤා මහබ්බලා,

මහා කාරුණිකා ධීරා - සබ්බේ සානං සුඛාවහා

-

15. දීපා නාථා පතිට්ඨා ච - තාණා ලේනා ච පාණිනං,

ගතිබන්ධු මහෙස්සාසා - සරණං ච හිතේසිනෝ

-

16. සදේවකස්ස ලෝකස්ස - සබ්බේ එතේ පරායණා,

තේසාහං සිරසා පාදේ - වන්දාමි පුරිසුත්තමේ

-

17. වචසා මනසා චේව - වන්දාමේතේ තථාගතේ,

සයනේ ආසනේ ඨානේ - ගමනේ චාපි සබ්බදා

-

18. සදා සුඛේන රක්ඛන්තු - බුද්ධා සන්තිකරා (තුවං),

තෙහි (ත්වං) රක්ඛිතෝ සන්තෝ - මුත්තෝ සබ්බභයෙහි ච

-

19. සබ්බරෝගෝ විනිම්මුත්තෝ - සබ්බසන්තාප වජ්ජිතෝ,

සබ්බවෙරමතික්කන්තෝ - නිබ්බුතෝච (තුවං භව)

-

20. තේසං සච්චේන සීලේන - ඛන්තිමෙත්තබලේන ච,

තේපි (තුම්හේ) නුරක්ඛන්තු - ආරෝගෙන සුඛේන ච

-

21. පුරත්ථිමස්මිං දිසාභාගේ - සන්ති භූතා මහිද්ධිකා,

තේපි (තුම්හේ) නුරක්ඛන්තු - ආරෝගෙන සුඛේන ච

-

22. දක්ඛිණස්මිං දිසාභාගේ - සන්ති දේවා මහිද්ධිකා,

තේපි (තුම්හේ) නුරක්ඛන්තු - ආරෝගෙන සුඛේන ච

-

23. පච්ඡිමස්මිං දිසා භාගේ - සන්ති නාගා මහිද්ධිකා,

තේපි (තුම්හේ) නුරක්ඛන්තු - ආරෝගෙන සුඛේන ච

-

24. උත්තරස්මිං දිසා භාගේ - සන්ති යක්ඛා මහිද්ධිකා,

තේපි (තුම්හේ) නුරක්ඛන්තු - ආරෝගෙන සුඛේන ච

-

25. පුරත්ථිමේන ධතරට්ඨො - දක්ඛිණේන විරූළ්හකො,

පච්ඡිමේන විරූපක්ඛෝ - කුවෙරෝ උත්තරං දිසං

-

26. චත්තාරෝ තේ මහා රාජා - ලෝකපාලා යසස්සිනෝ

තේපි (තුම්හේ) නුරක්ඛන්තු - ආරෝගෙන සුඛේන ච

-

27. ආකාසට්ඨාච භුම්මට්ඨා - දේවා නාගා මහිද්ධිකා,

තේපි (තුම්හේ) නුරක්ඛන්තු - ආරෝගෙන සුඛේන ච

-

28. ඉද්ධිමන්තෝ ච යේ දේවා - වසන්තා ඉධ සාසනේ,

තේපි (තුම්හේ) නුරක්ඛන්තු - ආරෝගෙන සුඛේන ච

-

29. සබ්බීතියෝ විවජ්ජන්තු - සෝකෝ රෝගෝ විනස්සතු,

මා (තේ) භවත්වන්තරායෝ - සුඛී දීඝායුකෝ (භව)

-

30. අභිවාදනසීලිස්ස - නිච්චං වුද්ධාපචායිනෝ,

චත්තාරෝ ධම්මා වඩ්ඪන්ති - ආයුවණ්ණෝ සුඛං බලං

මේ මහානුභාවසම්පන්න පිරිතකි. මෙය අනුන්ට කියන කල්හි මෙහි ඇති සැටියට ම කිය යුතුය. තමාගේ ප්‍රයෝජනය සඳහා තමා කියා ගන්නවා නම් වරහන් කර ඇති තැන් වෙනස් කර කිය යුතුය. 18 වන ගාථාවෙහි “තුවං” යන වචනය වෙනුවට “මමං” කියා ද “ත්වං” යන වචනය වෙනුවට “අහං” කියා ද යොදා ගත යුතුය. 19 වන ගාථාවෙහි “ත්වං භව” යනු “භවා’මහං” කියා යොදා ගත යුතුය. අනිත් ගාථාවල “තුම්හෙ” කියා ඇති තැන් “අම්හේ” කියා වෙනස් කළ යුතුය. 29 වන ගාථාවෙහි “තෙ” යන්න ”මේ” කියා ද “භව” යනු ”භවේ” කියා ද යොදා ගත යුතුය. මෙය තමාට කියා ගන්නා සැටියට ම සකස් කර පාඩම් කර ගැනීම වඩා හොඳය.

මේ පිරිත භාවිත කරන තැනැත්තාට අමනුෂ්‍යයන්ගෙන් කරදර ඇති නො වේ. දෙවියන්ගේ ආරක්ෂාව ලැබේ. කලක් දිනපතා භාවිත කළ හොත් අමනුෂ්‍යයෝ කීකරු වෙති. දේව බැල්ම නිතර පවතී.