සුපටිපන්නො භගවතො සාවකසංඝො, උජුපටිපන්නො භගවතො සාවකසංඝො, ඤායපටිපන්නො භගවතො සාවකසංඝො, සාමීචිපටිපන්නො භගවතො සාවකසංඝො, යදිදංචත්තාරි පුරිස යුගානි අට්ඨපුරිස පුග්ගලා එස භගවතො සාවක සංඝො ආහුණෙය්‍යො පාහුණෙය්‍යො දක්ඛිණෙය්‍යො අඤ්ජලිකරණීයො අනුත්තරං පුඤ්ඤක්ඛෙත්තං ලොකස්සාති. ඉමෙහි නවහි ගුණෙහි සමන්නාගතං සංඝරතනං සරණං ගච්ඡාමි. සංඝරතනං සිරසා නමාමි.
- භාග්‍යවත් බුදුරජාණන් වහන්සේගේ ශ්‍රාවක සංඝයා වහන්සේ තීර්ථා ප්‍රතිපත්තීන් සේ නිෂ්ඵල නොවන ඒකාන්තයෙන් නිවනට පමුණුවන යහපත් ප්‍රතිපත්තියක් පුරන සේක.
- නිර්වාණය දක්වා සෘජුව පවත්නා ප්‍රතිපත්තියක් පුරන සේක.
- නීරවුල් වූ ක්‍රමානුකූල ප්‍රතිපත්තියක් පුරන සේක.
- ගරු කළ යුතු ප්‍රතිපත්තියක් පුරන සේක.
- පුරුෂයුග්ම වශයෙන් සතරක් වන්නා වූ පුද්ගලයන් වශයෙන් අටදෙනෙක් වන්නා වූ භාග්‍යවතුන් වහන්සේගේ ශ්‍රාවක සංඝයා වහන්සේ ඉතා දුර සිට ද ප්‍රත්‍ය ගෙනැවිත් පිදීමට සුදුසු වන සේක.
- දුරින් පැමිණෙනෙ ප්‍රිය මනාප ඥාති මිත්‍රයන් සඳහා පිළියෙල කළ ආගන්තුක භෝජනය වුවද පිළිගැනීමට සුදුසු වන සේක.
- පරලොව දී ඵල ලැබීම සඳහා දෙන දානය පිළිගැනීමට සුදුසු වන සේක.
- ලෝකවාසීන් විසින් නමස්කාර කිරීමට සුදුසු වන සේක.
- පූජාවන් මහත්ඵල කිරීමට සමත්වන ශීලාදී ගුණයන්ගෙන් යුක්ත වන බැවින් අනුත්තර පුණ්‍ය ක්ෂේත්‍රය වන සේක.
මේ ගුණ නවයෙන් යුක්ත වූ කල්‍යාණ පෘතග්ජන සංඝයා සහිත වූ අෂ්ටාර්යපුද්ගල සංඝරත්නය සරණ යෙමි. ඒ සංඝරත්නය ශීර්ෂයෙන් වඳිමි.