ආහාර පූජා කිරීමේදී බත්- මාළු, කැවිලි-පලතුරු, කිරි-පැණි ආදී දේවල් ගැන වෙන වෙන ම ගාථා කීම අවුල් වැඩෙකි. ආහාර වන බත් මාළු ආදී සියල්ලම ආහාර වශයෙන් එක් කොට සලකා එක ගාථාවක් කියා එකවර ම පූජා කළ හැකි ය. එසේ පූජා කිරීම නිරවුල් ක්‍රමයයි. මෙසේ ආහාර පූජාව කරනු.
සද්ධම්මාමතදානෙන - සුඛාපෙන්තං බහුජ්ජනෙ,
මහාකාරුණිකං බුද්ධං - පූජෙමි ආහාරෙන’හං.
-
ඉමිනා පුඤ්ඤ කම්මෙන - සම්මාසම්බුද්ධවණ්ණිතං,
ලභෙයං සස්සතං සන්තං - නිබ්බාන සුඛමුත්තමං
සද්ධර්මාමෘතදානයෙන් බොහෝ ජනයා සුවපත් කරන්නා වූ මහා කරුණික වූ බුදුරජාණන් වහන්සේට මේ ආහාරය පූජා කරමි. පූජා වේවා! මේ පින්කමින් සම්‍යක් සම්බුද්ධයන් වහන්සේ විසින් වර්ණනා කරන ලද්දා වූ නිත්‍ය වූ ශාන්ත වූ උත්තම නිර්වාණ සුවය ලබන්නෙම්වා!