කුසලං ධම්මං පච්චයා කුසලො ධම්මො උප්පජ්ජති ආරම්මණ පච්චයා, කුසලං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධො.
අකුසලං ධම්මං පච්චයා අකුසලො ධම්මො උප්පජ්ජති ආරම්මණ පච්චයා, අකුසලං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධා.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති ආරම්මණ පච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධා, පටිසන්‍ධික්ඛණෙ විපාකාබ්‍යාකතං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධා, වත්‍ථුං පච්චයා ඛන්‍ධා, චක්ඛායතනං පච්චයා චක්ඛුවිඤ්ඤාණං, සොතායතනං පච්චයා සොතවිඤ්ඤාණං, ඝානායතනං පච්චයා ඝානවිඤ්ඤාණං, ජිව්හායතනං පච්චයා ජිව්හාවිඤ්ඤාණං, කායායතනං පච්චයා කායවිඤ්ඤාණං, වත්‍ථුං පච්චයා විපාකාබ්‍යාකතං කිරියාබ්‍යාකතා ඛන්‍ධා. අබ්‍යාකතං ධම්මං පච්චයා කුසලො ධම්මො උප්පජ්ජති ආරම්මණපච්චයා, වත්‍ථුං පච්චයා කුසලා ඛන්‍ධා, අබ්‍යාකතං ධම්මං පච්චයා අකුසලො ධම්මො උප්පජ්ජති ආරම්මණ පච්චයා, වත්‍ථුං පච්චයා අකුසලා ඛන්‍ධා.
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති ආරම්මණ පච්චයා, කුසලං එකං ඛන්‍ධඤ්ච වත්‍ථුං ච පච්චයා තයො ඛන්‍ධා, -පෙ- ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා.
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති ආරම්මණ පච්චයා, අකුසලං එකං ඛන්‍ධං ච වත්‍ථුං ච පච්චයා තයො ඛන්‍ධා, -පෙ- ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා.