කුසලං ධම්මං පච්චයා කුසලො ධම්මො උප්පජ්ජති හෙතුපච්චයා කුසලං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධා. කුසලං ධම්මං පච්චයා අබ්‍යාකතො ධම්මො උප්පජ්ජති හෙතු පච්චයා, කුසලෙ ඛන්‍ධෙ පච්චයා චිත්තසමුට්ඨානං රූපං. කුසලං ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති හෙතු පච්චයා, කුසලං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පච්චයා එකො ඛන්‍ධො චිත්තසමුට්ඨානඤ්ච රූපං. ද්වෙ ඛන්‍ධෙ පච්චයා ද්වෙ ඛන්‍ධා චිත්තසමුට්ඨානඤ්ච රූපං.
අකුසලං ධම්මං පච්චයා අකුසලො ධම්මො උප්පජ්ජති හෙතු පච්චයා, අකුසලං එකං ඛන්‍ධං පච්චයා තයො ඛන්‍ධා, තයො ඛන්‍ධෙ පච්චයා එකො ඛන්‍ධො, ද්වෙ ඛන්‍ධෙ පච්චයා ද්වෙ ඛන්‍ධා. අකුසලං ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා, අකුසලෙ ඛන්‍ධෙ පච්චයා චිත්තසමුට්ඨානං රූපං. අකුසලං ධම්මං පච්චයා, අකුසලො ච අබ්‍යාකතො ච ධම්මා උප්පජ්ජන්ති හෙතු පච්චයා, අකුසලං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පච්චයා එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පච්චයා ද්වෙ ඛන්‍ධා චිත්ත සමුට්ඨානඤ්ච රූපං.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති හෙතු පච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පච්චයා එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පච්චයා ද්වෙ ඛන්‍ධා චිත්තසමුට්ඨානඤ්ච රූපං, පටිසන්‍ධික්ඛණෙ විපාකාබ්‍යාකතං එකං ඛන්‍ධං පච්චයා තයො ඛන්‍ධා කටත්තා ච රූපං, තයො ඛන්‍ධෙ පච්චයා එකො ඛන්‍ධො කටත්තා ච රූපං, ද්වෙ ඛන්‍ධෙ පච්චයා ද්වෙ ඛන්‍ධා කටත්තා ච රූපං, ඛන්‍ධෙ පච්චයා වත්‍ථු, වත්‍ථුං පච්චයා ඛන්‍ධා, එකං මහාභූතං පච්චයා තයො මහාභූතා. ඛයො මහාභූතෙ පච්චයා එකං මහාභූතං, ද්වෙ මහාභූතෙ පච්චයා ද්වෙ මහාභූතා, මහාභූතෙ පච්චයා චිත්තසමුට්ඨානං රූපං කටත්තා රූපං, උපාදාය රූපං, වත්‍ථුං පච්චයා විපාකාබ්‍යාකතා කිරියාබ්‍යාකතා ඛන්‍ධා. අබ්‍යාකතං ධම්මං පච්චයා කුසලො ධම්මො උප්පජ්ජති හෙතුපච්චයා වත්‍ථුං පච්චයා කුසලා ඛන්‍ධා. අබ්‍යාකතං ධම්මං පච්චයා අකුසලො ධම්මො උප්පජ්ජති හෙතුපච්චයා, වත්‍ථුං පච්චයා අකුසලා ඛන්‍ධා. අබ්‍යාකතං ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, වත්‍ථුං පච්චයා කුසලා ඛන්‍ධා, මහාභූතෙ පච්චයා චිත්තසමුට්ඨානං රූපං, අබ්‍යාකතං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, වත්‍ථුං පච්චයා අකුසලා ඛන්‍ධා, මහාභූතෙ පච්චයා චිත්තසමුට්ඨානං රූපං.
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති හෙතුපච්චයා, කුසලං එකං ඛන්‍ධඤ්ච වත්‍ථුඤ්ච පච්චයා තයො ඛන්‍ධා, තයො ඛන්‍ධෙ ච වත්‍ථුඤ්ච පච්චයා එකො ඛන්‍ධො, ද්වෙ ඛන්‍ධෙ ච වත්‍ථුඤ්ච පච්චයා ද්වෙ ඛන්‍ධා. කුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා, කුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං. කුසලඤ්ච අබ්‍යාකතඤ්ච ධම්මං පච්චයා කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා,කුසලං එකං ඛන්‍ධං ච වත්‍ථුං ච පච්චයා තයො ඛන්‍ධා, තයො ඛන්‍ධෙ ච වත්‍ථුං ච පච්චයා එකො ඛන්‍ධො, ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා, කුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං.
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති හෙතුපච්චයා, අකුසලං එකං ඛන්‍ධං ච වත්‍ථුං ච පච්චයා තයො ඛන්‍ධා, තයො ඛන්‍ධෙ ච වත්‍ථුං ච පච්චයා එකො ඛන්‍ධො, ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා, අකුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති හෙතුපච්චයා, අකුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං, අකුසලඤ්ච අබ්‍යාකතඤ්ච ධම්මං පච්චයා අකුසලොච අබ්‍යාකතො ච ධම්මා උප්පජ්ජන්ති හෙතුපච්චයා, අකුසලං එකං ඛන්‍ධං ච වත්‍ථුං ච පච්චයා තයො ඛන්‍ධා, තයො ඛන්‍ධෙ ච වත්‍ථුං ච පච්චයා එකො ඛන්‍ධො, ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා, අකුසලෙ ඛන්‍ධෙ මහාභූතෙ ච පච්චයා චිත්තසමුට්ඨානං රූපං.