කුසලං ධම්මං සහජාතෙ කුසලො ධම්මො උප්පජ්ජති හෙතුපච්චයා, කුසලං එකං ඛන්‍ධං සහජාතා තයො ඛන්‍ධා, තයො ඛන්‍ධෙ සහජාතො එකො ඛන්‍ධො, ද්වෙ ඛන්‍ධෙ සහජාතා ද්වෙ ඛන්‍ධා, කුසලං ධම්මං සහජාතො අබ්‍යාකතො ධම්මො උප්පජ්ජති හෙතුපච්චයා, කුසලෙ ඛන්‍ධෙ සහජාතං චිත්තසමුට්ඨානං රූපං. කුසලං ධම්මං සහජාතො කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, කුසලං එකං ඛන්‍ධං සහජාතා තයො ඛන්‍ධා චිත්තසමුට්ඨානඤ්ච රූපං. තයො ඛන්‍ධෙ සහජාතො එකො ඛන්‍ධො චිත්තසමුට්ඨානඤ්ච රූපං. ද්වෙ ඛන්‍ධෙ සහජාතා ද්වෙ ඛන්‍ධා චිත්තසමුට්ඨානඤ්ච රූපං.
අකුසලං ධම්මං සහජාතො අකුසලො ධම්මො උප්පජ්ජති හෙතුපච්චයා, අකුසලං එකං ඛන්‍ධං සහජාතා තයො ඛන්‍ධා, තයො ඛන්‍ධෙ සහජාතො එකො ඛන්‍ධො, ද්වෙ ඛන්‍ධෙ සහජාතා ද්වෙ ඛන්‍ධා. අකුසලං ධම්මං සහජාතො අබ්‍යාකතො ධම්මො උප්පජ්ජති හෙතුපච්චයා අකුසලෙ ඛන්‍ධෙ සහජාතං චිත්තසමුට්ඨානං රූපං. අකුසලං ධම්මං සහජාතො අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, අකුසලං එකං ඛන්‍ධං සහජාතා තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ සහජාතො එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ සහජාතා ද්වෙ ඛන්‍ධා චිත්තසමුට්ඨානඤ්ච රූපං.
අබ්‍යාකතං ධම්මං සහජාතො අබ්‍යාකතො ධම්මො උප්පජ්ජති හෙතුපච්චයා, විපාකාබ්‍යාකතං කිරියාබ්‍යාකතං එකං ඛන්‍ධං සහජාතා තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ සහජාතො එකො ඛන්‍ධො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ සහජාතා ද්වෙ ඛන්‍ධා චිත්තසමුට්ඨානඤ්ච රූපං පටිසන්‍ධික්ඛණෙ විපාකාබ්‍යාකතං එකං ඛන්‍ධං සහජාතා තයො ඛන්‍ධා කටත්තා ච රූපං තයො ඛන්‍ධෙ සහජාතො එකො ඛන්‍ධො කටත්තා ච රූපං, ද්වෙ ඛන්‍ධෙ සහජාතා ද්වෙ ඛන්‍ධා කටත්තා ච රූපං, ඛන්‍ධෙ සහජාතං වත්‍ථු, වත්‍ථුං සහජාතා ඛන්‍ධා. එකං මහාභූතං සහජාතා තයො මහාභූතා තයො සහජාතං එකං මහාභූතං ද්වෙ මහාභූතෙ සහජාතා ද්වෙ මහාභූතා, මහාභූතෙ සහජාතං චිත්තසමුට්ඨානං රූපං, කටත්තාරූපං, උපාදාය රූපං.
කුසලඤ්ච අබ්‍යාකතඤ්ච ධම්මං සහජාතො අබ්‍යාකතො ධම්මො උප්පජ්ජති හෙතුපච්චයා, කුසලෙ ඛන්‍ධෙ ච මහාභූතෙ ච සහජාතං චිත්තසමුට්ඨානං රූපං,
අකුසලඤ්ච අබ්‍යාකතඤ්ච ධම්මං සහජාතො අබ්‍යාකතො ධම්මො උප්පජ්ජති හෙතුපච්චයා, අකුසලෙ ඛන්‍ධෙ ච මහාභූතෙ ච සහජාතං චිත්තසමුට්ඨානං රූපං. යථා පටිච්චවාරෙ එවං විත්‍ථාරෙතබ්බං.
හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව, විපාකෙ එකං, ආහාරෙ නව, ඉන්‍ද්‍රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්‍ථියා නව, නත්‍ථියා තීණි, විගතෙ තීණි, අවිගතෙ නව, අනුලොමං. යථා පටිච්චවාර ගණනා එවං ගණෙතබ්බං.
අකුසලං ධම්මං සහජාතො අකුසලො ධම්මො උප්පජ්ජති න හෙතුපච්චයා, විචිකිච්ඡාසහගතෙ උද්ධච්චසහගතෙ ඛන්‍ධෙ සහජාතො විචිකිච්ඡා සහගතො උද්ධච්ච සහගතො මොහො.
අබ්‍යාකතං ධම්මං සහජාතො අබ්‍යාකතො ධම්මො උප්පජ්ජති න හෙතුපච්චයා, අහෙතුකං විපාකාබ්‍යාකතං කිරියාබ්‍යාකතං එකං ඛන්‍ධං සහජාතා තයො ඛන්‍ධා, චිත්තසමුට්ඨානඤ්ච රූපං, තයො ඛන්‍ධෙ සහජාතො එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ සහජාතා ද්වෙ ඛන්‍ධා චිත්තසමුට්ඨානඤ්ච රූපං, අහෙතුකපටිසන්‍ධික්ඛණෙ විපාකබ්‍යාකතං එකං ඛන්‍ධං සහජාතා තයො ඛන්‍ධා කටත්තා ච රූපං, තයො ඛන්‍ධෙ සහජාතො එකො ඛන්‍ධො කටත්තා ච රූපං, ද්වෙ ඛන්‍ධෙ සහජාතා ද්වෙ ඛන්‍ධා කටත්තා ච රූපං, ඛන්‍ධෙ සහජාතං වත්‍ථු, වත්‍ථුං සහජාතා ඛන්‍ධා. එකං මහාභූතං සහජාතා තයො මහාභූතා, තයො මහාභූතෙ සහජාතං එකං මහාභූතං ද්වෙ මහාභූතෙ සහජාතා ද්වෙ මහාභූතා, මහාභූතෙ සහජාතං චිත්තසමුට්ඨානං රූපං, කටත්තා රූපං, උපාදාය රූපං, බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං සහජාතා තයො මහාභූතා -පෙ- මහාභූතෙ සහජාතං කටත්තා රූපං. උපාදායරූපං. යථා පටිච්චවාරෙ එවං විත්‍ථාරෙතබ්බං.
න හෙතුයා ද්වෙ, න ආරම්මණෙ පඤ්ච, න අධිපතියා නව, න අනන්තරෙ පඤ්ච, න සමනන්තරෙ පඤ්ච, න අඤ්ඤමඤ්ඤෙ පඤ්ච, න උපනිස්සයෙ පඤ්ච, න පුරෙජාතෙ සත්ත, න පච්ඡාජාතෙ නව, න ආසෙවනෙ නව, න කම්මෙ තීණි, න විපාකෙ නව, න ආහාරෙ එකං, න ඉන්‍ද්‍රියෙ එකං. න ඣානෙ එකං, න මග්ගෙ එකං, න සම්පයුත්තෙ පඤ්ච, න විප්පයුත්තෙ තීණි, නො නත්‍ථියා පඤ්ච, නො විගතෙ පඤ්ච.
පච්චනීයං.
හෙතුපච්චයා න ආරම්මණෙ පඤ්ච, න අධිපතියා නව, න අනන්තරෙ පඤ්ච, න සමනන්තරෙ පඤ්ච, න අඤ්ඤමඤ්ඤෙ පඤ්ච, න උපනිස්සයෙ පඤ්ච, න පුරෙජාතෙ සත්ත, න පච්ඡාජාතෙ නව, න ආසෙවනෙ නව, න කම්මෙ තීණි, න විපාකෙ නව, න සම්පයුත්තෙ පඤ්ච, න විප්පයුත්තෙ තීණි, නො නත්‍ථියා පඤ්ච, නො විගතෙ පඤ්ච.
අනුලොම පච්චනීයං.
න හෙතුපච්චයා ආරම්මණෙ ද්වෙ, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ ද්වෙ, පුරෙජාතෙ ද්වෙ, ආසෙවනෙ ද්වෙ, කම්මෙ ද්වෙ, විපාකෙ එකං, ආහාරෙ ද්වෙ, ඉන්‍ද්‍රියෙ ද්වෙ, ඣානෙ ද්වෙ, මග්ගෙ එකං, සම්පයුත්තෙ ද්වෙ, විප්පයුත්තෙ ද්වෙ, අත්‍ථියා ද්වෙ, නත්‍ථියා ද්වෙ, විගතෙ ද්වෙ, අවිගතෙ ද්වෙ, පච්චනීයානුලොමං.
සහජාතවාරො.
පටිච්චට්ඨං නාම සහජාතට්ඨං, සහජාතට්ඨං නාම පටිච්චට්ඨං.