(1. න හෙතු)
අකුසලං ධම්මං පටිච්ච අකුසලො ධම්මො උප්පජ්ජති න හෙතු පච්චයා, විචිකිච්ඡාසහගතෙ උද්ධච්චසහගතෙ ඛන්‍ධෙ පටිච්ච විචිකිච්ඡාසහගතො උද්ධච්චසහගතො මොහො.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න හෙතු පච්චයා, අහෙතුකං විපාකාබ්‍යාකතං කිරියාබ්‍යාකතං එකං ඛන්‍ධං පටිච්ච තයො ඛන්‍ධා, චිත්තසමුට්ඨානඤ්ච රූපං, තයො ඛන්‍ධෙ පටිච්ච එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා චිත්තසමුට්ඨානඤ්ච රූපං, අහෙතුකපටිසන්‍ධික්ඛණෙ විපාකාබ්‍යාකතං එකං ඛන්‍ධං පටිච්ච තයො ඛන්‍ධා කටත්තාච රූපං, තයො ඛන්‍ධෙ පටිච්ච එකො ඛන්‍ධො කටත්තා ච රූපං ද්වෙ ඛන්‍ධෙ පටිච්ච ද්වෙ ඛන්‍ධා කටත්තා ච රූපං, ඛන්‍ධෙ පටිච්ච වත්‍ථු, වත්‍ථුං පටිච්ච ඛන්‍ධා. එකං මහාභූතං පටිච්ච තයො මහාභූතා තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං, කටත්තා රූපං, උපාදාය රූපං, බාහිරං ආහාර සමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච කටත්තාරූපං උපාදායරූපං.
(2. න ආරම්මණ)
කුසලං ධම්මං පටිච්ච අබ්‍යාකතො ධම්මො උප්පජ්ජති න ආරම්මණ පච්චයා, කුසලෙ ඛන්‍ධෙ පටිච්ච චිත්තසමුට්ඨානං රූපං.
අකුසලං ධම්මං පටිච්ච අබ්‍යාකතො ධම්මො උප්පජ්ජති න ආරම්මණ පච්චයා, අකුසලෙ ඛන්‍ධෙ පටිච්ච චිත්තසමුට්ඨානං රූපං.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න ආරම්මණපච්චයා, විපාකාබ්‍යාකතෙ කිරියාබ්‍යාකතෙ ඛන්‍ධෙ පටිච්ච චිත්තසමුට්ඨානං රූපං, පටිසන්‍ධික්ඛණෙ විපාකාබ්‍යාකතෙ ඛන්‍ධෙ පටිච්ච කටත්තා රූපං, ඛන්‍ධෙ පටිච්ච වත්‍ථු. එකං මහාභූතං, පටිච්ච තයෝ මහාභූතා, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං, කටත්තාරූපං උපාදාය රූපං, බාහිරං ආහාරසමුට්ඨානං උතුසමුට්ඨානං අස්ඤඤසත්තානං එකං මහාභූතං පටිච්ච තයො මහාභූතා, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච කටත්තා රූපං උපාදායරූපං.
කුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න ආරම්මණ පච්චයා, කුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
අකුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න ආරම්මණ පච්චයා, අකුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
(3. න අධිපති)
කුසලං ධම්මං පටිච්ච කුසලො ධම්මො උප්පජ්ජති න අධිපති පච්චයා, කුසලං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා.
කුසලං ධම්මං පටිච්ච අබ්‍යාකතො ධම්මො උප්පජ්ජති න අධිපති පච්චයා, කුසලෙ ඛන්‍ධෙ පටිච්ච චිත්තසමුට්ඨානං රූපං.
කුසලං ධම්මං පටිච්ච කුසලො ච අබ්‍යාකතො ච ධම්මා උප්පජ්ජන්ති න අධිපතිපච්චයා, කුසලං එකං ඛන්‍ධං පටිච්ච තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පටිච්ච එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා චිත්තසමුට්ඨානඤ්ච රූපං.
අකුසලං ධම්මං පටිච්ච අකුසලො ධම්මො උප්පජ්ජති න අධිපති පච්චයා, අකුසලං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා.
අකුසලං ධම්මං පටිච්ච අබ්‍යාකතො ධම්මො උප්පජ්ජති න අධිපති පච්චයා, අකුසලෙ ඛන්‍ධෙ පටිච්ච චිත්තසමුට්ඨානං රූපං.
අකුසලං ධම්මං පටිච්ච අකුසලො ච අබ්‍යාකතො ච ධම්මා උප්පජ්ජන්ති න අධිපති පච්චයා, අකුසලං එකං ඛන්‍ධං පටිච්ච තයො ඛන්‍ධා චිත්ත සමුට්ඨානඤ්ච රූපං, තයො ඛන්‍ධෙ පටිච්ච එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා චිත්ත සමුට්ඨානඤ්ච රූපං.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න අධිපති පච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පටිච්ච තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පටිච්ච එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා චිත්තසමුට්ඨානඤ්ච රූපං, පටිසන්‍ධික්ඛණෙ. විපාකාබ්‍යාකතං එකං ඛන්‍ධං පටිච්ච තයො ඛන්‍ධා කටත්තා ච රූපං, තයො ඛන්‍ධෙ පටිච්ච එකො ඛන්‍ධො කටත්තා ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා කටත්තා ච රූපං ඛන්‍ධෙ පටිච්ච වත්‍ථු, වත්‍ථුං පටිච්ච ඛන්‍ධා. එකං මහාභූතං පටිච්ච තයො මහාභූතං, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහා භූතෙ පටිච්ච චිත්තසමුට්ඨානං රූපං කටත්තා රූපං උපාදාය රූපං බාහිරං ආහාර සමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා මහාභූතෙ පටිච්ච කටත්තාරූපං උපාදාය රූපං.
කුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න අධිපතිපච්චයා, කුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
අකුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න අධිපති පච්චයා, අකුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
(4. 5. න අනන්තර න සමනන්තර)
කුසලං ධම්මං පටිච්ච අබ්‍යාකතො ධම්මො උප්පජ්ජති න අනන්තර පච්චයා, න සමනන්තර පච්චයා, කුසලෙ ඛන්‍ධෙ පටිච්ච චිත්තසමුට්ඨානං රූපං. න අනන්තරපච්චයංපි න සමනන්තර පච්චයංපි න ආරම්මණ පච්චයා සදිසං.
(6. න අඤ්ඤමඤ්ඤ)
කුසලං ධම්මං පටිච්ච අබ්‍යාකතො ධම්මො උප්පජ්ජති න අඤ්ඤමඤ්ඤ පච්චයා. කුසලෙ ඛන්‍ධෙ පටිච්ච චිත්තසමුට්ඨානං රූපං. අකුසලං ධම්මං පටිච්ච අබ්‍යාකතො ධම්මො උප්පජ්ජති න අඤ්ඤමඤ්ඤ පච්චයා, අකුසලෙ ඛන්‍ධෙ පටිච්ච චිත්තසමුට්ඨානං රූපං. අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න අඤ්ඤමඤ්ඤ පච්චයා, විපාකාබ්‍යාකතෙ කිරියාබ්‍යාකතෙ ඛන්‍ධෙ පටිච්ච චිත්තසමුට්ඨානං රූපං. පටිසන්‍ධික්ඛණෙ විපාකාබ්‍යාකතෙ ඛන්‍ධෙ පටිච්ච කටත්තාරූපං. මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාය රූපං. බාහිරෙ මහාභූතෙ පටිච්ච උපාදායරූපං, ආහාරසමුට්ඨානෙ මහාභූතෙ පටිච්ච උපාදායරූපං උතුසමුට්ඨානෙ මහාභූතෙ පටිච්ච උපාදාය රූපං අසඤ්ඤසත්තානං මහාභූතෙ පටිච්ච කටත්තා රූපං උපාදාය රූපං, කුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න අඤ්ඤමඤ්ඤපච්චයා කුසලෙඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං. අකුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න අඤ්ඤමඤ්ඤපච්චයා අකුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
(7. න උපනිස්සය)
කුසලං ධම්මං පටිච්ච අබ්‍යාකතො ධම්මො උප්පජ්ජති න උපනිස්සය පච්චයා, කුසලෙ ඛන්‍ධෙ පටිච්ච චිත්තසමුට්ඨානං රූපං. න උපනිස්සය පච්චයං න ආරම්මණ පච්චයා සදිසං.
(8. න පුරේජාත)
කුසලං ධම්මං පටිච්ච කුසලො ධම්මො උප්පජ්ජති න පුරේජාත පච්චයා, අරූපෙ කුසලං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා.
කුසලං ධම්මං පටිච්ච අබ්‍යාකතො ධම්මො උප්පජ්ජති න පුරෙජාත පච්චයා, කුසලෙ ඛන්‍ධෙ පටිච්ච චිත්තසමුට්ඨානං රූපං.
අකුසලං ධම්මං පටිච්ච අකුසලො ධම්මො උප්පජ්ජති න පුරේජාත පච්චයා, අරූපෙ අකුසලං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා.
අකුසලං ධම්මං පටිච්ච අබ්‍යාකතො ධම්මො උප්පජ්ජති න පුරේජාත පච්චයා, අකුසලෙ ඛන්‍ධෙ පටිච්ච චිත්තසමුට්ඨානං රූපං.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න පුරෙජාතපච්චයා, අරූපෙ විපාකාබ්‍යාකතං කිරියාබ්‍යාකතං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා, විපාකාබ්‍යාකතෙ කිරියාබ්‍යාකතෙ ඛන්‍ධෙ පටිච්ච චිත්තසමුට්ඨානං රූපං. පටිසන්‍ධික්ඛණෙ විපාකාබ්‍යාකතෙ එකං ඛන්‍ධං පටිච්ච තයො ඛන්‍ධා කටත්තා ච රූපං, තයො ඛන්‍ධෙ පටිච්ච එකො ඛන්‍ධො කටත්තා ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා කටත්තා ච රූපං, ඛන්‍ධෙ පටිච්ච වත්‍ථු, වත්‍ථුං පටිච්ච ඛන්‍ධා, එකං මහාභූතං පටිච්ච තයො මහාභූතා, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තා රූපං උපාදාය රූපං බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා, තොය මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතං, මහාභූතෙ පටිච්ච කටත්තාරූපං උපාදාය රූපං.
කුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න පුරෙජාතපච්චයා, කුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
අකුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න පුරෙජාතපච්චයා, අකුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
(9. න පච්ඡාජාත, 10. න ආසෙවන)
කුසලං ධම්මං පටිච්ච කුසලො ධම්මො උප්පජ්ජති න පච්ඡාජාත පච්චයා කුසලං එකං ඛන්‍ධං පටිච්ච -පෙ- කුසලං ධම්මං පටිච්ච කුසලො ධම්මො උප්පජ්ජති න ආසෙවන පච්චයා. කුසලං එකං ඛන්‍ධං පටිච්ච න පච්ඡාජාත පච්චයම්පි න ආසෙවනපච්චයංපි න අධිපතිපච්චය සදිසං.
(11. න කම්ම)
කුසලං ධම්මං පටිච්ච කුසලො ධම්මො උප්පජ්ජති න කම්මපච්චයා, කුසලෙ ඛන්‍ධෙ පටිච්ච කුසලා චේතනා.
අකුසලං ධම්මං පටිච්ච අකුසලො ධම්මො උප්පජ්ජති න කම්ම පච්චයා, අකුසලෙ ඛන්‍ධෙ පටිච්ච අකුසලා චෙතනා.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න කම්මපච්චයා, කිරියාබ්‍යාකතෙ ඛන්‍ධෙ පටිච්ච කිරියාබ්‍යාකතාචෙතනා. බාහිරං ආහාරසමුට්ඨානං උතුසමුට්ඨානං එකං මහාභූතං පටිච්ච තයො මහාභූතා, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතං, මහාභූතෙ පටිච්ච උපාදාය රූපං.
(12. න විපාක)
කුසලං ධම්මං පටිච්ච කුසලො ධම්මො උප්පජ්ජති න විපාක පච්චයා, කුසලං එකං ඛන්‍ධං පටිච්ච, තීණි.
අකුසලං ධම්මං පටිච්ච අකුසලො ධම්මො උප්පජ්ජති න විපාක පච්චයා, තීණි.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න විපාක පච්චයා, කිරියාබ්‍යාකතං එකං ඛන්‍ධං පටිච්ච තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පටිච්ච එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා චිත්තසමුට්ඨානඤ්ච රූපං, එකං මහාභූතං පටිච්ච තයො මහාභූතා -පෙ- මහාභූතෙ පටිච්ච චිත්තසමුට්ඨානං රූපං උපාදාය රූපං, බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා -පෙ- මහාභූතෙ පටිච්ච කටත්තා රූපං උපාදායරූපං.
කුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න විපාක පච්චයා, කුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
අකුසලඤ්ච අබ්‍යාකතඤ්ච ධම්මං පටිච්ච අබ්‍යාකතො ධම්මො උප්පජ්ජති න විපාකපච්චයා, අකුසලෙ ඛන්‍ධෙ ච මහාභූතෙ ච පටිච්ච චිත්තසමුට්ඨානං රූපං.
(13. න ආහාර)
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න ආහාර පච්චයා, බාහිරං උතුසමුට්ඨානං අසඤ්ඤ සත්තානං එකං මහාභූතං පටිච්ච තයො මහාභූතා -පෙ- මහාභූතෙ පටිච්ච කටත්තා රූපං උපාදාය රූපං.
(14. ඉන්‍ද්‍රිය)
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න ඉන්‍ද්‍රිය පච්චයා, බාහිරං ආහාරසමුට්ඨානං උතුසමුට්ඨානං එකං මහාභූතං පටිච්ච තයො මහාභූතා -පෙ- මහාභූතෙ පටිච්ච උපාදායරූපං, අසඤ්ඤසත්තානං මහාභූතෙ පටිච්ච රූපජීවිතින්‍ද්‍රියං.
(15. න ඣාන)
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න ඛාඣාන පච්චයා, පඤ්චවිඤ්ඤාණසහගතං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතං -පෙ- මහාභූතෙ පටිච්ච කටත්තා රූපං උපාදායරූපං.
(16. න මග්ග)
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න මග්ග පච්චයා, අහෙතුකං විපාකාබ්‍යාකතං කිරියාබ්‍යාකතං එකං ඛන්‍ධං පටිච්ච තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ පටිච්ච එකො ඛන්‍ධො, චිත්තසමුට්ඨානඤ්ච රූපං ද්වෙ ඛන්‍ධෙ පටිච්ච ද්වෙ ඛන්‍ධා චිත්තසමුට්ඨානඤ්ච රූපං, අහෙතුක පටිසන්‍ධික්ඛණෙ විපාකාබ්‍යාකතං එකං ඛන්‍ධං පටිච්ච තයො ඛන්‍ධා කටත්තා ච රූපං, තයො ඛන්‍ධෙ පටිච්ච එකො ඛන්‍ධො කටත්තා ච රූපං, ද්වෙ ඛන්‍ධෙ පටිච්ච ද්වෙ ඛන්‍ධා කටත්තා ච රූපං, ඛන්‍ධෙ පටිච්ච වත්‍ථුං, වත්‍ථුං පටිච්ච ඛන්‍ධා. එකං මහාභූතං පටිච්ච තයො මහාභූතා, තයො මහාභූතෙ පටිච්ච එකං මහාභූතං, ද්වෙ මහාභූතෙ පටිච්ච ද්වෙ මහාභූතා මහාභූතෙ පටිච්ච චිත්තසමුට්ඨානං රූපං කටත්තා රූපං උපාදාය රූපං, බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතං -පෙ- මහාභූතෙ පටිච්ච කටත්තාරූපං උපාදාය රූපං.
(17. න සම්පයුත්ත)
කුසලං ධම්මං පටිච්ච අබ්‍යාකතො ධම්මො උප්පජ්ජති න සම්පයුත්ත පච්චයා, කුසලෙ ඛන්‍ධෙ පටිච්ච චිත්තසමුට්ඨානං රූපං. න ආරම්මණ පච්චය සදිසං.
(18. න විප්පයුත්ත)
කුසලං ධම්මං පටිච්ච කුසලො ධම්මො උප්පජ්ජති න විප්පයුත්ත පච්චයා, අරූපෙ අකුසලං එකං ඛන්‍ධං පටිච්ච තයො ඛන්‍ධො, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා.
අකුසල ධම්මං පටිච්ච අකුසලො ධම්මො උප්පජ්ජති න විප්පයුත්ත පච්චයා, අරූපෙ අකුසලං එකං ඛන්‍ධං පටිච්ච තයො ඛන්‍ධා, තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා.
අබ්‍යාකතං ධම්මං පටිච්ච අබ්‍යාකතො ධම්මො උප්පජ්ජති න විප්පයුත්තපච්චයා, අරූපෙ විපාකාබ්‍යාතං කිරියාබ්‍යාකතං එකං ඛන්‍ධං පටිච්ච තයො ඛන්‍ධා. තයො ඛන්‍ධෙ පටිච්ච එකො ඛන්‍ධො, ද්වෙ ඛන්‍ධෙ පටිච්ච ද්වෙ ඛන්‍ධා, බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පටිච්ච තයො මහාභූතා -පෙ- මහාභූතෙ පටිච්ච කටත්තා රූපං උපාදාය රූපං.
(19. නො නත්‍ථි 20. නො විගත)
කුසලං ධම්මං පටිච්ච අබ්‍යාකතො ධම්මො උප්පජ්ජති නො නත්‍ථි පච්චයා, නො විගත පච්චයා කුසලෙ ඛන්‍ධෙ පටිච්ච චිත්තසමුට්ඨානං රූපං න ආරම්මණපච්චය සදිසං.