ඝටනා
සභාගයන්ට අනතුරු ව ගටනාවන් වදාළ සේක. ආරම්මණාධිපති ඝටනාව ය, සපුරේජාත අත්‍ථි අවිගත ඝටනාව ය, සනිස්සය පුරේජාත විප්පයුත්ත අත්‍ථි අවිගත ඝටනාව ය, අනන්තර සමනන්තර නත්‍ථි විගත ඝටනාව ය, ආසේවන ඝටනාව ය, කම්ම ඝටනාව ය: අනන්තර සමනන්තර නත්‍ථි විගත ඝටනාව යයි උපනිඃශ්‍රයප්‍රත්‍යය ඝටනා සතෙකි.
- (1)එයින් ආරම්මණ අධිපති ඝටනාව මෙ සේ ය: සකලාරම්මණෝපනිඃශ්‍රය ප්‍රත්‍යය ධර්‍මයෝ - “උපනිස්සය ආරම්මණාධිපතී ති සත්ත”
- (2)සපුරේජාත අත්‍ථි අවිගත ඝටනාව මෙසේ ය: ගරු කොට අරමුණු කරන ලෝභමූල සිත් අටට ප්‍රත්‍යය වන ගරු කළ යුතු වූ ඉෂ්ට නිෂ්පන්නරූප අටොළොස වූ ආරම්මණ පුරේජාත ප්‍රත්‍යය ධර්‍මයෝ “උපනිස්සය ආරම්මණාධිපති පුරෙජාත අත්‍ථි අවිගතන්ති එකං”
- (3)සනිස්සය පුරේජාත විප්පයුත්ත අත්‍ථි අවිගත ඝටනාව මෙසේ ය: ගරු කොට අරමුණු කරන ලෝභමූල මරණාසන්න ජවන -පෙ- හෘදයවස්තුව වූ වස්ත්‍වාරම්මණප්‍රත්‍යය “උපනිස්සය ආරම්මණාධිපති නිස්සය පුරෙජාත විප්පයුත්ත අත්‍ථි අවිගතන්ති එකං”
- (4)අනන්තර සමනන්තර නත්‍ථි විගත ඝටනාව මෙසේ ය: සකලානන්තරෝපනිඃශ්‍රය ප්‍රත්‍යය ධර්‍මයෝ - “උපනිස්සය අනන්තර සමනන්තර නත්‍ථි විගතන්ති සත්ත”
- (5)ආසේවන ඝටනාව මෙසේ ය: සකලාසේවන ප්‍රත්‍යය ධර්‍මයෝ - “උපනිස්සය අනන්තර සමනන්තර ආසේවන නත්‍ථි විගතන්ති තීණි”
- (6)කම්ම ඝටනාව මෙසේ ය: විපාක සිත් සතිසට ප්‍රත්‍යය වන බලවත් වූ කුශලාකුශල චේතනා සංඛ්‍යාත නානාක්‍ෂණික කර්‍ම ප්‍රත්‍යය ධර්‍මයෝ උපනිස්සය කම්මන්ති ද්වෙ.
- (7)අනන්තර සමනන්තර නත්‍ථි විගත ඝටනාව මෙසේ ය. මාර්‍ගානන්තර ඵල සිත් සතරට ප්‍රත්‍යය වන මාර්‍ග චේතනා සතර “අනන්තර සමනන්තර කම්ම නත්‍ථි විගතන්ති එකං” මෙහි සභාගවාර තෙළෙසෙකි. ඝටනා සතකි.