කුසලො ධම්මො අබ්‍යාකතස්ස ධම්මස්ස විප්පයුත්තපච්චයෙන පච්චයො, සහජාතං, පච්ඡාජාතං, සහජාතා කුසලා ඛන්‍ධා චිත්තසමුට්ඨානානං රූපානං විප්පයුත්තපච්චයෙන පච්චයො, පච්ඡාජාතා කුසලා ඛන්‍ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අකුසලො ධම්මො අබ්‍යාකතස්ස ධම්මස්ස විප්පයුත්තපච්චයෙන පච්චයො, සහජාතං, පච්ඡාජාතං, සහජාතා අකුසලා ඛන්‍ධා චිත්තසමුට්ඨානානං රූපානං විප්පයුත්තපච්චයෙන පච්චයො, පච්ඡාජාතා අකුසලා ඛන්‍ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අබ්‍යාකතො ධම්මො අබ්‍යාකතස්ස ධම්මස්ස විප්පයුත්තපච්චයෙන පච්චයො, සහජාතං, පුරෙජාතං, පච්ඡාජාතං.
සහජාතා විපාකාබ්‍යාකතා කිරියාබ්‍යාකතා ඛන්‍ධා චිත්තසමුට්ඨානානං රූපානං විප්පයුත්තපච්චයෙන පච්චයො, පටිසන්‍ධික්ඛණෙ විපාකාබ්‍යාකතා ඛන්‍ධා කටත්තා රූපානං විප්පයුත්තපච්චයෙන පච්චයො, ඛන්‍ධා වත්‍ථුස්ස විප්පයුත්තපච්චයෙන පච්චයො, වත්‍ථු ඛන්‍ධානං විප්පයුත්තපච්චයෙන පච්චයො.
පුරෙජාතං චක්ඛායතනං චක්ඛුවිඤ්ඤාණස්ස විප්පයුත්තපච්චයෙන පච්චයො, සොතායතනං සොතවිඤ්ඤාණස්ස විප්පයුත්තපච්චයෙන පච්චයො, ඝානායතනං ඝානවිඤ්ඤාණස්ස විප්පයුත්තපච්චයෙන පච්චයො, ජිව්හායතනං ජිව්හාවිඤ්ඤාණස්ස විප්පයුත්තපච්චයෙන පච්චයො, කායායතනං කායවිඤ්ඤාණස්ස විප්පයුත්තපච්චයෙන පච්චයො, වත්‍ථු විපාකාබ්‍යාකතානං කිරියාබ්‍යාකතානං ඛන්‍ධානං විප්පයුත්තපච්චයෙන පච්චයො.
පච්ඡාජාතා විපාකාබ්‍යාකතා කිරියාබ්‍යාකතා ඛන්‍ධා පුරෙජාතස්ස ඉමස්ස කායස්ස විප්පයුත්තපච්චයෙන පච්චයො.
අබ්‍යාකතො ධම්මො කුසලස්ස ධම්මස්ස විප්පයුත්තපච්චයෙන පච්චයො, පුරෙජාතං වත්‍ථු කුසලානං ඛන්‍ධානං විප්පයුත්තපච්චයෙන පච්චයො.
අබ්‍යාකතො ධම්මො අකුසලස්ස ධම්මස්ස විප්පයුත්තපච්චයෙන පච්චයො, පුරෙජාතං වත්‍ථු අකුසලානං ඛන්‍ධානං විප්පයුත්තපච්චයෙන පච්චයො.