කුසලො ධම්මො කුසලස්ස ධම්මස්ස මග්ගපච්චයෙන පච්චයො. කුසලානි මග්ගඞ්ගානි සම්පයුත්තකානං ඛන්‍ධානං මග්ගපච්චයෙන පච්චයො.
කුසලො ධම්මො අබ්‍යාකතස්ස ධම්මස්ස මග්ගපච්චයෙන පච්චයො, කුසලානි මග්ගඞ්ගානි චිත්තසමුට්ඨානානං රූපානං මග්ගපච්චයෙන පච්චයො.
කුසලො ධම්මො කුසලස්ස ච අබ්‍යාකතස්ස ච ධම්මස්ස මග්ගපච්චයෙන පච්චයො. කුසලානි මග්ගඞ්ගානි සම්පයුත්තකානං ඛන්‍ධානං චිත්තසමුට්ඨානානඤ්ච රූපානං මග්ගපච්චයෙන පච්චයො.
අකුසලො ධම්මො අකුසලස්ස ධම්මස්ස මග්ගපච්චයෙන පච්චයො, අකුසලානි මග්ගඞ්ගානි සම්පයුත්තානං ඛන්‍ධානං මග්ගපච්චයෙන පච්චයො.
අකුසලො ධම්මො අබ්‍යාකතස්ස ධම්මස්ස මග්ගපච්චයෙන පච්චයො, අකුසලානි මග්ගඞ්ගානි චිත්තසමුට්ඨානානං රූපානං මග්ගපච්චයෙන පච්චයො.
අකුසලො ධම්මො අකුසලස්ස ච අබ්‍යාකතස්ස ච ධම්මස්ස මග්ගපච්චයෙන පච්චයො, අකුසලානි මග්ගඞ්ගානි සම්පයුත්තකානං ඛන්‍ධානං චිත්තසමුට්ඨානානඤ්ච රූපානං මග්ගපච්චයෙන පච්චයො.
අබ්‍යාකතො ධම්මො අබ්‍යාකතස්ස ධම්මස්ස මග්ගපච්චයෙන පච්චයො, විපාකාබ්‍යාකතානි කිරියාබ්‍යාකතානි මග්ගඞ්ගානි සම්පයුත්තකානං ඛන්‍ධානං චිත්තසමුට්ඨානානඤ්ච රූපානං මග්ගපච්චයෙන පච්චයො, පටිසන්‍ධික්ඛණෙ විපාකාබ්‍යාකතානි මග්ගඞ්ගානි සම්පයුත්තකානං ඛන්‍ධානං කටත්තා ච රූපානං මග්ගපච්චයෙන පච්චයො.