කුසලො ධම්මො කුසලස්ස ධම්මස්ස කම්මපච්චයෙන පච්චයො කුසලා චෙතනා සම්පයුත්තකානං ඛන්‍ධානං කම්මපච්චයෙන පච්චයො.
කුසලො ධම්මො අබ්‍යාකතස්ස ධම්මස්ස කම්මපච්චයෙන පච්චයො, සහජාතා නානාක්ඛණිකා, සහජාතා කුසලා චෙතනා චිත්තසමුට්ඨානානං රූපානං කම්මපච්චයෙන පච්චයො. නානාක්ඛණිකා කුසලා චෙතනා විපාකානං ඛන්‍ධානං කටත්තා ච රූපානං කම්මපච්චයෙන පච්චයො.
කුසලො ධම්මො කුසලස්ස ච අබ්‍යාකතස්ස ච ධම්මස්ස කම්මපච්චයෙන පච්චයො, කුසලා චෙතනා සම්පයුත්තකානං ඛන්‍ධානං චිත්තසමුට්ඨානානඤ්ච රූපානං කම්මපච්චයෙන පච්චයො.
අකුසලො ධම්මො අකුසලස්ස ධම්මස්ස කම්මපච්චයෙන පච්චයො, අකුසලා චෙතනා සම්පයුත්තකානං ඛන්‍ධානං කම්මපච්චයෙන පච්චයො,
අකුසලො ධම්මො අබ්‍යාකතස්ස ධම්මස්ස කම්මපච්චයෙන පච්චයො, සහජාතා නානාක්ඛණිකා, සහජාතා අකුසලා චෙතනා චිත්තසමුට්ඨානං රූපානං කම්මපච්චයෙන පච්චයො, නානාක්ඛණිකා අකුසලා චෙතනා විපාකානං ඛන්‍ධානං කටත්තා ච රූපානං කම්මපච්චයෙන පච්චයො.
අකුසලො ධම්මො අකුසලස්ස ච අබ්‍යාකතස්ස ච ධම්මස්ස කම්මපච්චයෙන පච්චයො, අකුසලා චෙතනා සම්පයුත්තකානං ඛන්‍ධානං චිත්තසමුට්ඨානානඤ්ච රූපානං කම්මපච්චයෙන පච්චයො.
අබ්‍යාකතො ධම්මො අබ්‍යාකතස්ස ධම්මස්ස කම්මපච්චයෙන පච්චයො, විපාකාබ්‍යාකතා කිරියාබ්‍යාකතා චෙතනා සම්පයුත්තකානං ඛන්‍ධානං චිත්තසමුට්ඨානානඤ්ච රූපානං කම්මපච්චයෙන පච්චයො, පටිසන්‍ධික්ඛණෙ විපාකාබ්‍යාකතා චෙතනා සම්පයුත්තකානං ඛන්‍ධානං කටත්තා ච රූපානං කම්මපච්චයෙන පච්චයො, චෙතනා වත්‍ථුස්ස කම්මපච්චයෙන පච්චයො.