කුසලං ධම්මං නිස්සාය කුසලො ධම්මො උප්පජ්ජති හෙතුපච්චයා, කුසලං එකං ඛන්‍ධං නිස්සාය තයො ඛන්‍ධා, තයො ඛන්‍ධෙ නිස්සාය එකොඛන්‍ධො, ද්වෙ ඛන්‍ධෙ නිස්සාය ද්වෙ ඛන්‍ධා, කුසලංධම්මං නිස්සාය අබ්‍යාකතො ධම්මො උප්පජ්ජති හෙතුපච්චයා, කුසලෙ ඛන්‍ධෙ නිස්සාය චිත්තසමුට්ඨානං රූපං. කුසලං ධම්මං නිස්සාය කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, කුසලං එකං ඛන්‍ධං නිස්සාය තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ නිස්සාය එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ නිස්සාය ද්වෙ ඛන්‍ධා චිත්තසමුට්ඨානඤ්ච රූපං.
අකුසලං ධම්මං නිස්සාය අකුසලො ධම්මො උප්පජ්ජති හෙතුපච්චයා, අකුසලං එකං ඛන්‍ධං නිස්සාය තයො ඛන්‍ධා, -පෙ- ද්වෙ ඛන්‍ධෙ නිස්සාය ද්වෙ ඛන්‍ධා. අකුසලං ධම්මං නිස්සාය අබ්‍යාකතො ධම්මො උප්පජ්ජති හෙතුපච්චයා, අකුසලෙ ඛන්‍ධෙ නිස්සාය චිත්තසමුට්ඨානං රූපං. අකුසලං ධම්මං නිස්සාය අකුසලො ච අබ්‍යාකතො ච ධම්මො උප්පජ්ජති හෙතුපච්චයා, අකුසලං එකං ඛන්‍ධං නිස්සාය තයො ඛන්‍ධා චිත්තසමුට්ඨානඤ්ච රූපං, -පෙ- ද්වෙ ඛන්‍ධෙ නිස්සාය ද්වෙ ඛන්‍ධා චිත්තසමුට්ඨානඤ්ච රූපං.
අබ්‍යාකතං ධම්මං නිස්සාය අබ්‍යාකතො ධම්මො උප්පජ්ජති හෙතුපච්චයා, විපාකාබ්‍යාකතං කිරියාබ්‍යාකතං එකං ඛන්‍ධං නිස්සාය තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ නිස්සාය එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ නිස්සාය ද්වෙ ඛන්‍ධා චිත්තසමුට්ඨානඤ්ච රූපං, පටිසන්‍ධික්ඛණෙ විපාකාබ්‍යාකතං එකං ඛන්‍ධං නිස්සාය තයො ඛන්‍ධා කටත්තා ච රූපං, තයො ඛන්‍ධෙ නිස්සාය එකොඛන්‍ධො කටත්තා ච රූපං ද්වෙ ඛන්‍ධෙ නිස්සාය ද්වෙ ඛන්‍ධා කටත්තා රූපං, ඛන්‍ධෙ නිස්සාය වත්‍ථු, වත්‍ථුං නිස්සාය ඛන්‍ධා, එකං මහාභූතං නිස්සාය තයො මහාභූතා, තයො මහාභූතෙ නිස්සාය එකං මහාභූතං, ද්වෙ මහාභූතෙ නිස්සාය ද්වෙ මහාභූතා, මහාභූතෙ නිස්සාය චිත්තසමුට්ඨානං රූපං, කටත්තා රූපං උපාදාය රූපං, වත්‍ථුං නිස්සාය විපාකාබ්‍යාකතා කිරියාබ්‍යාකතා ඛන්‍ධා අබ්‍යාකතං ධම්මං නිස්සාය කුසලො ධම්මො උප්පජ්ජති හෙතුපච්චයා වත්‍ථුං නිස්සාය කුසලා ඛන්‍ධා, අබ්‍යාකතං ධම්මං නිස්සාය අකුසලො ධම්මො උප්පජ්ජති හෙතුපච්චයා. වත්‍ථුං නිස්සාය අකුසලා ඛන්‍ධා. අබ්‍යාකතං ධම්මං නිස්සාය කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, වත්‍ථුං නිස්සාය කුසලා ඛන්‍ධා. මහාභූතෙ නිස්සාය චිත්තසමුට්ඨානං රූපං. අබ්‍යාකතං ධම්මං නිස්සාය අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, වත්‍ථුං නිස්සාය අකුසලා ඛන්‍ධා, මහාභූතෙ නිස්සාය චිත්තසමුට්ඨානං රූපං.
කුසලඤ්ච අබ්‍යාකතඤ්ච ධම්මං නිස්සාය කුසලො ධම්මො උප්පජ්ජති හෙතුපච්චයා, කුසලං එකං ඛන්‍ධඤ්ච වත්‍ථුං ච නිස්සාය තයොඛන්‍ධා, -පෙ- ද්වෙ ඛන්‍ධෙ ච වත්‍ථුඤ්ච නිස්සාය ද්වෙ ඛන්‍ධා. කුසල්ඤච අබ්‍යාකතඤ්ච ධම්මං නිස්සාය අබ්‍යාකතො ධම්මො උප්පජ්ජති හෙතුපච්චයා, කුසෙල ඛන්‍ධෙ ච මහාභූතෙ ච නිස්සාය චිත්තසමුට්ඨානං රූපං, කුසලඤ්ච අබ්‍යාකතඤ්ච ධම්මං නිස්සාය කුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, කුසලං එකං ඛන්‍ධඤ්ච වත්‍ථුඤ්ච නිස්සාය තයො ඛන්‍ධා, -පෙ- ද්වෙ ඛන්‍ධෙ ච වත්‍ථුඤ්ච නිස්සාය ද්වෙ ඛන්‍ධා කුසලෙ ඛන්‍ධෙ ච මහාභූතෙ ච නිස්සාය චිත්තසමුට්ඨානං රූපං.
අකුසලඤ්ච අබ්‍යාකතඤ්ච ධම්මං නිස්සාය අකුසලො ධම්මො උප්පජ්ජති හෙතුපච්චයා, අකුසලං එකං ඛන්‍ධඤ්ච වත්‍ථුඤ්ච නිස්සාය තයො ඛන්‍ධා, ද්වෙ ඛන්‍ධෙ ච වත්‍ථුං ච නිස්සාය ද්වෙ ඛන්‍ධා. අකුසලඤ්ච අබ්‍යාකතඤ්ච ධම්මං නිස්සාය අබ්‍යාකතො ධම්මො උප්පජ්ජති හෙතුපච්චයා, අකුසලෙ ඛන්‍ධෙ ච මහාභූතෙ ච නිස්සාය චිත්ත සමුට්ඨානං රූපං. අකුසලඤ්ච අබ්‍යාකතඤ්ච ධම්මං නිස්සාය අකුසලො ච අබ්‍යාකතො ච ධම්මා උප්පජ්ජන්ති හෙතුපච්චයා, අකුසලං එකං ඛන්‍ධඤ්ච වත්‍ථුඤ්ච නිස්සාය තයො ඛන්‍ධා, -පෙ- ද්වෙ ඛන්‍ධෙ ච වත්‍ථුඤ්ච නිස්සාය ද්වෙ ඛන්‍ධා, අකුසලෙ ඛන්‍ධෙ ච මහාභූතෙ ච නිස්සාය චිත්තසමුට්ඨානං රූපං.
හෙතුයා සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ සත්ත, නිස්සයෙ සත්තරස, උපනිස්සයෙ සත්ත, පුරෙජාතෙ සත්ත, ආසෙවනෙ සත්ත, කම්මෙ සත්තරස, විපාකෙ එකං, ආහාරෙ සත්තරස, ඉන්‍ද්‍රියෙ සත්තරස, ඣානෙ සත්තරස, මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්‍ථියා සත්තරස, නත්‍ථියා සත්ත, විගතෙ සත්ත, අවිගතෙ සත්තරස.
නිස්සය වාරෙ අනුලොමං
අකුසලං ධම්මං නිස්සාය අකුසලො ධම්මො උප්පජ්ජති න හෙතු පච්චයා, විචිකිච්ඡාසහගතො උද්ධච්චසහගතෙ ඛන්‍ධෙ නිස්සාය විචිකිච්ඡාසහගතො උද්ධච්චසහගතො මොහො.
අබ්‍යාකතං ධම්මං නිස්සාය අබ්‍යාකතො ධම්මො උප්පජ්ජති න හෙතු පච්චයා, අහෙතුකං විපාකාබ්‍යාකතං කිරියාබ්‍යාකතං එකං ඛන්‍ධං නිස්සාය තයො ඛන්‍ධා චිත්තසමුට්ඨානඤ්ච රූපං, තයො ඛන්‍ධෙ නිස්සාය එකො ඛන්‍ධො චිත්තසමුට්ඨානඤ්ච රූපං, ද්වෙ ඛන්‍ධෙ නිස්සාය ද්වෙ ඛන්‍ධා චිත්තසමුට්ඨානඤ්ච රූපං. අහෙතුකපටිසන්‍ධික්ඛණෙ විපාකාබ්‍යාකතං එකං ඛන්‍ධං නිස්සාය තයො ඛන්‍ධා කටත්තා ච රූපං, -පෙ- ද්වෙ ඛන්‍ධෙ නිස්සාය ද්වෙ ඛන්‍ධා, කටත්තා ච රූපං, ඛන්‍ධෙ නිස්සාය වත්‍ථු, වත්‍ථුං නිස්සාය ඛන්‍ධා, එකං මහාභූතං නිස්සාය තයො මහාභූතා -පෙ- මහාභූතෙ නිස්සාය චිත්තසමුට්ඨානං රූපං කටත්තා රූපං උපාදාය රූපං, බාහිරං ආහාර සමුට්ඨානං උතුසමුට්ඨානං අසඤ්ඤසත්තානං එකං මහාභූතං නිස්සාය තයො මහාභූතා -පෙ- මහාභූතෙ නිස්සාය චිත්තසමුට්ඨානං රූපං කටත්තා රූපං උපාදායරූපං, බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං නිස්සාය තයො මහාභූතා -පෙ- මහාභූතෙ නිස්සාය කටත්තාරූපං උපාදායරූපං, චක්ඛායතනං නිස්සාය චක්ඛුවිඤ්ඤාණං -පෙ- කායායතනං නිස්සාය කායවිඤ්ඤාණං, වත්‍ථුං නිස්සාය අහෙතුකා විපාකාබ්‍යාකතං කිරියාබ්‍යාකතා ඛන්‍ධා. අබ්‍යාකතං ධම්මං නිස්සාය අකුසලො ධම්මො උප්පජ්ජති න හෙතුපච්චයා, වත්‍ථුං නිස්සාය විචිකිච්ඡාසහගතො උද්ධච්ච සහගතො මොහො.
අකුසලඤ්ච අබ්‍යාකතඤ්ච ධම්මං නිස්සාය අකුසලො ධම්මො උප්පජ්ජති න හෙතුපච්චයා, විචිකිච්ඡාසහගතෙ උද්ධච්චසහගතෙ ඛන්‍ධෙ ච වත්‍ථුං ච නිස්සාය විචිකිච්ඡාසහගතො උද්ධච්චසහගතො මොහො.
න හෙතුයා චත්තාරි, න ආරම්මණෙ පඤ්ච, න අධිපතියා සත්තරස, න අනන්තරෙ පඤ්ච, න සමනන්තරෙ පඤ්ච, න අඤ්ඤමඤ්ඤෙ පඤ්ච, න උපනිස්සයෙ පඤ්ච, න පුරෙජාතෙ සත්ත, න පච්ඡාජාතෙ සත්තරස, න ආසෙවනෙ සත්තරස, න කම්මෙ සත්ත, න විපාකෙ සත්තරස, න ආහාරෙ එකං, න ඉන්‍ද්‍රියෙ එකං, න ඣානෙ එකං, න මග්ගෙ එකං, න සම්පයුත්තෙ පඤ්ච, න විප්පයුත්තෙ තීණි, නො නත්‍ථියා පඤ්ච, නො විගතෙ පඤ්ච.
නිස්සයවාරස්ස පච්චනීයං.
හෙතුපච්චයා න ආරම්මණෙ පඤ්ච, න අධිපතියා සත්තරස, න අනන්තරෙ පඤ්ච, න සමනන්තරෙ පඤ්ච, න අඤ්ඤමඤ්ඤෙ පඤ්ච, න උපනිස්සයෙ පඤ්ච, න පුරෙජාතෙ සත්ත, න පච්ඡාජාතෙ සත්තරස, න ආසෙවනෙ සත්තරස, න කම්මෙ සත්ත, න විපාකෙ සත්තරස, න සම්පයුත්තෙ පඤ්ච, න විප්පයුත්තෙ තීණි, නො නත්‍ථියා පඤ්ච, නො විගතෙ පඤ්ච.
නිස්සය වාරස්ස අනුලොමපච්චනීයං.
න හෙතුපච්චයා ආරම්මණෙ චත්තාරි, අනන්තරෙ චත්තාරි, සමනන්තරෙ චත්තාරි, සහජාතෙ චත්තාරි, අඤ්ඤමඤ්ඤෙ චත්තාරි, නිස්සයෙ චත්තාරි, උපනිස්සයෙ චත්තාරි, පුරෙජාතෙ චත්තාරි, ආසෙවනෙ චත්තාරි, කම්මෙ චත්තාරි, විපාකෙ එකං, ආහාරෙ චත්තාරි, ඉන්‍ද්‍රියෙ චත්තාරි, ඣානෙ චත්තාරි, මග්ගෙ තීණි, සම්පයුත්තෙ චත්තාරි, විප්පයුත්තෙ චත්තාරි, අත්‍ථියා චත්තාරි, නත්‍ථියා චත්තාරි, විගතෙ චත්තාරි, අවිගතෙ චත්තාරි,
නිස්සයවාරස්ස පච්චයානුලොමං
පච්චයට්ඨං නාම නිස්සයට්ඨං නිස්සයට්ඨං නාම පච්චයට්ඨං.
නිස්සය වාරො.