අයමෙත්ථ කලාප යොජනා.

51. සබ්බානිපි පනෙතානි රූපානි කාමලොකෙ යථාරහං අනූනානි පවත්තියං උපලබ්භන්ති.

52. පටිසන්ධියං පන සංසෙදජානංචෙව ඔපපාතිකා

නංච චක්ඛු සොත ඝාණ ජිව්හා කාය භාව වත්ථු

දසක සඞ්ඛාතානි සත්ත දසකානි පාතුභවන්ති උක්කට්ඨ

වසෙන, ඕමකවසෙන පන චක්ඛු සොත ඝාණ භාව

දසකානි කදාචිපි නලබ්භන්ති, තස්මා තෙසං වසෙන

කලාපහානි වෙදිතබ්බා.

53. ගබ්භසෙය්යක සත්තානං පන කාය, භාව, වත්ථු

දසක සඞ්ඛාතානි තීණි දසකානි පාතුභවන්ති, තත්ථාපි

භාවදසකං කදාචි න ලබ්භති, තතොපරං පවත්ති කාලෙ

කමෙන චක්ඛුදසකාදීනිච පාතුභවන්ති.

54. ඉච්චෙවං පටිසන්ධිමුපාදාය කම්මසමුට්ඨානා, දුතිය

චිත්තමුපාදාය චිත්ත සමුට්ඨානා ඨිතිකාලමුපාදාය උතු-

සමුට්ඨානා, ඕජාඵරණමුපාදාය ආහාරසමුට්ඨානා චෙති

චතුසමුට්ඨාන රූපකලාපසන්තති කාමලොකෙ දීපජාලාවිය

නදීසොතොවියච යාවතායුකමබ්බොච්ඡින්නා පවත්තති.

55. මරණකාලෙපන චුතිචිත්තොපරි සත්තරසම

චිත්තස්ස ඨිති කාලමුපාදාය කම්මජරූපානි නූප්පජ්ජන්ති.

පුරෙතර මුප්පන්නානිච කම්මජරූපානි චුතිචිත්ත සමකාල

මෙව පවත්තිත්වා නිරුජ්ඣන්ති, තතො පරං චිත්තජාහාරජ

රූපඤ්ච වොච්ඡිජ්ජති. තතොපරං උතුසමුට්ඨාන රූප

පරම්පරායාව මතකලෙබරං සන්ධාය පවත්තන්ති.

57. රූපලොකෙ පන ඝාන, ජිව්හා, කාය භාවදසකානිච

ආහාරජ කලාපානිච නලබ්භන්ති, තස්මා තෙසං

පටිසන්ධිකාලෙ චක්ඛු, සොත, වත්ථු වසෙනතීණි දසකානි,

ජීවිත නවකං චෙති චත්තාරො කම්මසමුට්ඨාන කලාපා

පවත්තියං චිත්තොතු සමුට්ඨානාච ලබ්භන්ති.

58. අසඤ්ඤසත්තානං පන චක්ඛු සොත වත්ථු

සද්දාපි නලබ්භන්ති, තථා සබ්බානිපි චිත්තජ රූපානි, තස්මා

තෙසං පටිසන්ධි කාලෙ ජීවිතනවකමෙව පවත්තියංච

සද්දවජ්ජිතං උතුසමුට්ඨාන රූපං අතිරිච්ඡතීති.

59. ඉච්චෙවං කාම රූපාසඤ්ඤී සඞ්ඛාතෙසු ඨානෙසු

පටිසන්ධිපවත්ති වසෙන දුවිධා රූපප්පවත්ති වෙදිතබ්බා.