අය මෙත්‍ථ විසුද්ධි භෙදො
61. තත්ථ අනත්තානුපස්සනා අත්තාභිනිවෙසංමුඤ්චන්ති. සුඤ්ඤතානුපස්සනානාම විමොක්ඛමුඛං හොති.
62. අනිච්චානුපස්සනා විපල්ලාසනිමිත්තං මුඤ්චන්ති. අනිමිත්තානුපස්සනානාම විමොක්ඛමුඛං හොති.
63. දුක්ඛානුපස්සනා තණ්හා පණිධිං මුඤ්චන්ති. අප්පණිහිතානුපස්සනානාම විමොක්ඛ මුඛං හොති.
64. තස්මා යදි වුට්ඨානගාමිනි විපස්සනා අනත්තතො විපස්සති. සුඤ්ඤතො විමොක්ඛො නාම හොති මග්ගො.
65. යදි අනිච්චතො විපස්සති අනිමිත්තො විමොක්ඛො නාම.
66. යදි දුක්ඛතො විපස්සති අප්පණිහිතො විමොක්ඛො නාමාතිච මග්ගො විපස්සනා ගමන වසෙන තීණි නාමානි ලභති. තථා ඵලංච මග්ගාගමන වසෙන මග්ගවීථියං.
67. ඵලසමාපත්ති වීථියං පන යථාවුත්තනයෙන විපස්සන්තානං යථාසකං ඵලමුප්පජ්ජමානම්පි විපස්සනා ගමන වසෙනෙව සුඤ්ඤතාදි විමොක්ඛාතිච පවුච්චති.
68. ආරම්මණ වසෙන පන සරසවසෙන ච නාමත්තයං සබ්බත්ථ සබ්බෙසම්පි සමමෙවාති.