අට්ඨ පාටිදෙසනීයා ධම්මා

ඉමෙ ඛො පනාය්‍යායො අට්ඨ පාටිදෙසනීයා ධම්මා උද්දෙසං ආගච්ඡන්ති.

1. යා පන භික්ඛුනී අගිලානා සප්පිං විඤ්ඤාපෙත්වා භුඤ්ජෙය්‍ය, පටිදෙසෙතබ්බං තාය භික්ඛුනියා ගාරය්හං අය්‍යෙ ධම්මං ආපජ්ජිං අසප්පායං පාටිදෙසනීයං තං පටිදෙසෙමී ති.

2. යා පන භික්ඛුනී අගිලානා තෙලං-පෙ-මධුං-පෙ-- පානිතං -පෙ- මච්ඡං -පෙ- මංසං -පෙ- ඛීරං - පෙ- දධිං විඤ්ඤාපෙත්වා භුඤ්ජෙය්‍ය, පටිදෙසෙතබ්බං තාය භික්ඛුනියා ගාරය්හං අය්‍යෙ ධම්මං ආපජ්ජිං අසප්පාය පාටිදෙසනීයං තං පටිදෙසෙමීති.

උද්දිට්ඨා ඛො අය්‍යායො අට්ඨ පාටිදෙසනීයා ධම්මා, තත්ථාය්‍යායො පුච්ඡාමි, කච්චිත්ථ පරිසුද්ධා? දුතියම්පි පුච්ඡාමි, කච්චිත්ථ පරිසුද්ධා? තතියම්පි පුච්ඡාමි, කච්චිත්ථ පරිසුද්ධා? පරිසුද්ධෙත්ථාය්‍යායො, තස්මා තුණ්හී, එවමෙතං ධාරයාමීති.

අට්ඨ පාටිදෙසනීයා නිට්ඨිතා.