1. මහාකාරුණිකෝ නාථෝ හිතාය සබ්බපාණිනං

පූරෙත්වා පාරමී සබ්බා පත්තෝ සම්බෝධිමුත්තමං

එතේන සච්චවජ්ජේන හෝතු තෙ ජයමංගලං

-

2. ඵලනිබ්බානජං සෙරී සෙවමානො රසුත්තමං,

බොධිමූලෙ වසී සත්තදිවසානි විනායකො

එතෙන සච්චවජ්ජේන හොතු තෙ ජයමංගලං.

-

3. සත්තාහං ඨිතකො බුද්ධො ඤාපෙතුං ච කතඤ්ඤුතං

බෝධිං අනිමිසක්ඛිහි සම්මා පූජෙසි පූජියං,

එතෙන සච්චවජ්ජේන හොතු තෙ ජයමංගලං.

-

4. විමුත්තිජං සුඛ වින්දං පරිපුණ්ණමනොරථො,

චංකමෙ චංකමි බුද්ධෝ සත්තාහං රතනාමයෙ,

එතෙන සච්චවජ්ජේන හොතු තෙ ජයමංගලං.

-

5. නිසින්නො භගවා රම්මෙ මන්දිරෙ රතනුජ්ජලෙ,

සත්තාහං සම්මධි සම්මා ධම්මධාතු මනුත්තරං,

එතෙන සච්චවජ්ජේන හොතු තෙ ජයමංගලං.

-

6. සංකොචයිත්වා මාරත්ථි මුඛම්බුජ වනං භූසං,

සත්තාහං අජපාලස්ස මූලෙ බුද්ධසසී වසී,

එතෙන සච්චවජ්ජේන හොතු තෙ ජයමංගලං.

-

7. සත්තාහං මුචලින්දස්ස එණිනො භොගමන්දිරෙ,

වසී වසී මහාවීරො තදනුග්ගහබුද්ධියා,

එතෙන සච්චවජ්ජේන හොතු තෙ ජයමංගලං.

-

8. භුඤ්ජමානො සුඛං සෙට්ඨං චිරලද්ධං විමුත්තිජං,

රාජායතන මූලම්හි සත්තාහං භගවා වසී,

එතෙන සච්චවජ්ජේන හොතු තෙ ජයමංගලං.

-

9. සීලමය චතුපත්තෙ මහාරාජෙහි ආහටෙ,

මුඛරෙඛා සමානම්හි මධුපිණ්ඩං අභුඤ්ජි සො,

එතෙන සච්චවජ්ජේන හොතු තෙ ජයමංගලං.

-

10. නන්දොපනන්ද භොගින්දං උග්ගතෙජං මුනිස්සරො,

දමෙත්වා සකතෙජෙන දරණෙසු නිවෙසයි,

එතෙන සච්චවජ්ජේන හොතු තෙ ජයමංගලං.

-

11. අජ්ඣිට්ඨො බ්‍රහ්මුනා බුද්ධො රම්මෙ බාරාණසී පුරේ

ධම්මචක්කං පවත්තෙසි පරිස්සාසු විනායකො,

මාපයිත්වා ධම්ම්නාචං කතපුඤ්ඤං මහාජනං

භවණ්ණවස්ස පාපෙසි පාරං කාරුණිකො ජිනො,

අඤ්ඤා කොණ්ඩඤ්ඤ්පමුඛෙ භික්ඛුඛීණාසවෙ ජිනො,

විධාතුං ධම්මදූතෙය්‍යං විස්සජ්ජෙසි තහිං තහිං

එතෙන සච්චවජ්ජේන හොතු තෙ ජයමංගලං.

-

12. උරුවෙලං ජිනො ගන්ත්වා දස්සෙත්වා පාටිහාරියං

දස්සෙත්වාන තහිං භික්ඛු දමෙසි කස්සපාදිකො

එතෙන සච්චවජ්ජේන හොතු තෙ ජයමංගලං

-

13. සසාවකො ජිනො ගන්ත්වා රම්මං රාජගහං පුරං

බිම්බිසාරං සානුවරං මනුජින්දං අබොධයි

පටිග්ගහිතෙ බුද්ධෙන රම්මෙ වෙළුවනුත්තමෙ

මහාමහී පකම්පිත්ථ නච්චමානාච පීතියා,

එතේන සච්චවජ්ජේන හොතු තෙ ජයමංගලං,

-

14. තත්ථ වස්සං වසිත්වාන නාථො රාජගහෙ පුරෙ

ඤාතීනං සංගහත්ථාය අගමාසි කපිලං පුරං

සමාගන්ත්වා තහිං ඤාති අභිමානං අකංසු තෙ

තං සුත්වාන මහාවීරො රවීව නභමුග්ගතො

එතේන සච්චවජ්ජේන හොතු තෙ ජයමංගලං

-

15. සංසාර සාගරා ලොකං සන්තාරෙන්තො සදෙවක

සාවත්ථි නගරෙ රම්මෙ චිරකාලං වසී ජිනො

එතේන සච්චවජ්ජේන හොතු තෙ ජයමංගලං,

-

16. ගණ්ඩබ්බරුක්ඛමූලම්හි යමකං පටිහාරියං

දස්සෙත්වා තිත්ථියෙ බුද්ධො පලාපෙසි තහිං තහිං

පදානං වීතිහාරෙහි තීහි දෙවනගිස්සරං

පාටිහාරාවසානම්හි අගමාසි නරුත්තමො

එතේන සච්චවජ්ජේන හොතු තෙ ජයමංගලං

-

17. ගන්ත්වා සුරින්දභවනං මහන්තෙ පණ්ඩුකම්බලෙ

නිසීදි බුද්ධපීඨෙව ජිනො වරසිලාසනෙ,

එතේන සච්චවජ්ජේන හොතු තෙ ජයමංගලං

-

18. තිදසින්දපුරෙ වස්සං වසං මාසත්තයං තහිං

දෙවානං දෙසයි බුද්ධො අභිධම්මනුත්තරං

වුත්තවස්සො පවාරෙත්වා මණිනිස්සෙණියං මුනි

වත්තමානම්හි සක්කාරෙ මනුස්සපථ මාගාමි

එතේන සච්චවජ්ජේන හොතු තෙ ජයමංගලං

-

19. බ්‍රහ්මාසුරසුරාදීහි පරිකිණ්ණො තථාගතො

ඔරොහන්තො මහන්තං සො අච්ඡෙරං දස්සයී තදා

එතේන සච්චවජ්ජේන හොතු තෙ ජයමංගලං.

-

20. දෙවොරොහන කාලම්හි ආනුභාවං මහෙසිනො

පස්සිංසු යෙ තදා සබ්බේ බුද්ධත්තං පත්ථයිංසු තෙ

එතේන සච්චවජ්ජේන හොතු තෙ ජයමංගලං

-

21. සංකස්සනගරද්වාරෙ ධම්මො බුද්ධෙන දෙසිතො

බහුන්නං ජනකායං ධම්මභිසමයො අහු

එතේන සච්චවජ්ජේන හොතු තෙ ජයමංගලං

-

22. අනත්ථකාරිං ලොකස්ස චොරං අංගුලිමාලකං

මෙත්තොසධෙන සම්බුද්ධො නිම්මදං අකරි භූසං

එතේන සච්චවජ්ජේන හොතු තෙ ජයමංගලං

-

23. විබ්භන්තං මදවෙගෙන නාළාගිරිකරිස්සරං

මෙත්තොසධෙන සම්බුද්ධො නිම්මදං අකරි භූසං

එතේන සච්චවජ්ජේන හොතු තෙ ජයමංගලං

-

24. යක්ඛං ආලවකං බුද්ධො දුද්දමං අතිකක්ඛලං

විනයඤ්ඤු පවෙදසි සොතාපත්ති ඵලුත්තමෙ

එතේන සච්චවජ්ජේන හොතු තෙ ජයමංගලං

-

25. වධකෙ දෙවදත්තම්හි චොරෙ අංගුලිමාලකෙ,

ධනපාලෙ රාහුලොචාපි සබ්බත්ථ සම්මානසො

චතුද්දිසොපයාතෙහි වාතෙහි පබ්බතො විය,

අකම්පනියො සම්බුද්ධො ලොකධම්මෙහි අට්ඨහි,

ධම්මධිපතිනො පාදෙ ඵුල්ලපංකරුහොපමෙ,

දිස්සතෙ සබ්බසො සබ්බේ අයං ලොකො අසංකරො

අචින්තෙය්‍යප්පභාවස්ස උත්තමංගං මහෙසිනො,

පස්සිතුං නෙව සක්කොන්ති බ්‍රහ්ම ලොක ගතා අපි,

එතේන සච්චවජ්ජේන හොතු තෙ ජයමංගලං.

-

26. සද්ධම්මදෙසනාකාලෙ පිට්ඨිභාගාදිනිස්සිතා,

පුණ්ණචන්දං’ව ගගණෙ මුඛං පස්සන්ති සත්ථුනො

මුනුන්දො මූලභාසාය දෙසෙන්තං ධම්මමුත්තමං

ජානන්ති සත්තා සබ්බේපි සක භාසාය සබ්බසො

එතේන සච්චවජ්ජේන හොතු තෙ ජයමංගලං.

-

27. ආභවග්ගා නිසින්නාසු පරිසාසු විනායකො,

චිත්තෙ ගහෙත්වා දෙසෙසි ධම්මං තෙසං විසුං විසුං

එතේන සච්චවජ්ජේන හොතු තෙ ජයමංගලං.

-

28. ඤාතා සබ්බස්ස සම්බුද්ධො සද්ධම්මොච තමොනුදො

සංඝො සුපටිපන්නොති යං තං අවිතථං ධුවං

ජාතිදුක්ඛපරෙතානං බුද්ධාදිරතනත්තයං

සබ්බදා සබ්බපාණිනං තාණං ලෙනං පරායනං

එතේන සච්චවජ්ජේන හොතු තෙ ජයමංගලං.

-

29. නත්ථි මෙ සරණං අඤ්ඤං බුද්ධො මෙ සරණං වරං

එතේන සච්චවජ්ජේන හොතු තෙ ජයමංගලං

-

30. නත්ථි මෙ සරණං අඤ්ඤං ධම්මො මෙ සරණං වරං

එතේන සච්චවජ්ජේන හොතු තෙ ජයමංගලං

-

31. නත්ථි මෙ සරණං අඤ්ඤං සංඝො මෙ සරණං වරං

එතේන සච්චවජ්ජේන හොතු තෙ ජයමංගලං

-

32. ඉච්චෙව සච්ච කිරියා කුරුතෙ ජනො යො

පාතො ච සායම්පි බුද්ධගුණෙ ගහෙත්වා

සබ්බං පරිස්සයමිදං පිච හන්ත්ව මෙතං,

පච්ඡාස නිබ්බුති පදං සමුපෙති සෙට්ඨං

නත්ථි මෙ සරණං අඤ්ඤං බුද්ධො මෙ සරණං වරං

එතේන සච්චවජ්ජේන හොතු තෙ ජයමංගලං