කුසලං ධම්මං පච්චයා කුසලො ධම්මො උප්පජ්ජති සහජාත පච්චයා, කුසලං එකං ඛන්‍ධං පච්චයා තීණි. අකුසලං ධම්මං පච්චයා තීණි.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති සහජාත පච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පච්චයා තයො ඛන්‍ධා චිත්තසමුට්ඨානං ච රූපං, පටිසන්‍ධික්ඛණෙ එකං මහාභූතං පච්චයා බාහිරං ආහාර සමුට්ඨානං, උතුසමුට්ඨානං අසඤ්ඤසත්තානං එකං මහාභූතං පච්චයා, -පෙ- මහාභූතෙ පච්චයා කට්ත්තාරූපං, උපාදායරූපං, චක්ඛායතනං පච්චයා චක්ඛුවිඤ්ඤාණං, -පෙ- කායායතනං පච්චයා කායවිඤ්ඤාණං, වත්‍ථුං පච්චයා විපාකාබ්‍යාකතං කිරියාබ්‍යාකතං ඛන්‍ධා, අබ්‍යාකතං ධම්මං පච්චයා කුසලො ධම්මො උප්පජ්ජති සහජාත පච්චයා, වත්‍ථුං පච්චයා කුසලා ඛන්‍ධා, යථා හෙතුපච්චයං එවං විත්‍ථාරෙතබ්බං.
කුසලං ධම්මං පච්චයා කුසලො ධම්මො උප්පජ්ජති අඤ්ඤමඤ්ඤ පච්චයා, එකං, අකුසලං ධම්මං පච්චයා අකුසලො ධම්මො උප්පජ්ජති අඤ්ඤමඤ්ඤපච්චයා, එකං.
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති අඤ්ඤමඤ්ඤපච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පච්චයා තයො ඛන්‍ධා -පෙ- ද්වෙ ඛන්‍ධෙ පච්චයා ද්වෙ ඛන්‍ධා, පටිසන්‍ධික්ඛණෙ විපාකාබ්‍යාකතං එකං ඛන්‍ධං පච්චයා තයො ඛන්‍ධා වත්‍ථුං ච -පෙ- ද්වෙ ඛන්‍ධෙ පච්චයා ද්වෙ ඛන්‍ධා වත්‍ථු ච, ඛන්‍ධෙ පච්චයා වත්‍ථු, වත්‍ථුං පච්චයා ඛන්‍ධා, එකං මහාභූතං පච්චයා තයො මහාභූතා, -පෙ- ද්වෙ මහාභූතෙ පච්චයා ද්වෙ මහාභූතා, බාහිරං ආහාරසමුට්ඨානං උතුසමුට්ඨානං අසඤ්ඤසත්තානං එකං මහාභූතං පච්චයා තයො මහාභූතා -පෙ- ද්වෙ මහාභූතෙ පච්චයා ද්වෙ මහාභූතා. චක්ඛායතනං පච්චයා චක්ඛුවිඤ්ඤාණං -පෙ- කායායතනං පච්චයා කායවිඤ්ඤාණං, වත්‍ථුං පච්චයා විපාකාබ්‍යාකතං කිරියාබ්‍යාකතං ඛන්‍ධා. අබ්‍යාකතං ධම්මං පච්චයා කුසලො ධම්මො උප්පජ්ජති අඤ්ඤමඤ්ඤපච්චයා, වත්‍ථුං පච්චයා කුසලා ඛන්‍ධා. යථා ආරම්මණපච්චයං එවං විත්‍ථාරෙතබ්බං.