කුසලං ධම්මං පච්චයා කුසලො ධම්මො උප්පජ්ජති විප්පයුත්ත පච්චයා, කුසලං එකං ඛන්‍ධං පච්චයා තයො ඛන්‍ධා, -පෙ- ද්වෙ ඛන්‍ධෙ පච්චයා ද්වෙ ඛන්‍ධා, වත්‍ථුං විප්පයුත්තපච්චයා. කුසලං ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා, කුසලෙන ඛන්‍ධෙ පච්චයා චිත්ත සමුට්ඨානං රූපං, ඛන්‍ධෙ විප්පයුත්ත පච්චයා, කුසලං ධම්මං පච්චයා කුසලොච අබ්‍යාකතො ච ධම්මා උප්පජ්ජන්ති විප්පයුත්තපච්චයා, කුසලං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, -පෙ- ද්වෙ ඛන්‍ධෙ පච්චයා ද්වෙ ඛන්‍ධා චිත්තසමුට්ඨානඤ්ච රූපං, ඛන්‍ධා වත්‍ථුං විප්පයුත්තපච්චයා, චිත්තසමුට්ඨානං රූපං ඛන්‍ධෙ විප්පයුත්තපච්චයා.
අකුසලං ධම්මං පච්චයා අකුසලො ධම්මො උප්පජ්ජති විප්පයුත්තපච්චයා අකුසලං එකං ඛන්‍ධං පච්චයා තයො ඛන්‍ධා, -පෙ- ද්වෙ ඛන්‍ධෙ පච්චයා ද්වෙ ඛන්‍ධා, වත්‍ථුං විප්පයුත්තපච්චයා. අකුසලං ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා, අකුසලෙ ඛන්‍ධෙ පච්චයා චිත්තසමුට්ඨානං රූපං ඛන්‍ධෙ විප්පයුත්තපච්චයා, අකුසලං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති විප්පයුත්ත පච්චයා, අකුසලං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, -පෙ- ද්වෙ ඛන්‍ධෙ පච්චයා ද්වෙ ඛන්‍ධා චිත්තසමුට්ඨානං ච රූපං, ඛන්‍ධා වත්‍ථුං විප්පයුත්තපච්චයා චිත්තසමුට්ඨානං රූපං ඛන්‍ධෙ විප්පයුත්තපච්චයා,
අබ්‍යාකතං ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා, විපාකාබ්‍යාකතං කිරියාබ්‍යාකතං එකං ඛන්‍ධං පච්චයා තයො ඛන්‍ධා චිත්තසමුට්ඨානඤ්ච රූපං, -පෙ- ද්වෙ ඛන්‍ධෙ පච්චයා ද්වෙ ඛන්‍ධා චිත්තසමුට්ඨානඤ්ච රූපං, ඛන්‍ධා වත්‍ථුං විප්පයුත්තපච්චයා චිත්තසමුට්ඨානං රූපං ඛන්‍ධෙ විප්පයුත්තපච්චයා. පටිසන්‍ධික්ඛණෙ විපාකාබ්‍යාකතං එකං ඛන්‍ධං පච්චයා තයො ඛන්‍ධා කටත්තා ච රූපං -පෙ- ද්වෙ ඛන්‍ධෙ පච්චයා ද්වෙ ඛන්‍ධා කටත්තා ච රූපං, ඛන්‍ධා වත්‍ථුං විප්පයුත්තපච්චයා කටත්තාරූපං ඛන්‍ධෙ විප්පයුත්තපච්චයා, ඛන්‍ධෙ පච්චයා වත්‍ථු, වත්‍ථුං පච්චයා ඛන්‍ධා. ඛන්‍ධා වත්‍ථුං විප්පයුත්ත පච්චයා, වත්‍ථු ඛන්‍ධෙ විප්පයුත්තපච්චයා, එකං මහාභූතං පච්චයා -පෙ- මහාභූතෙ පච්චයා චිත්තසමුට්ඨානං රූපං කටත්තාරූපං, උපාදාය රූපං, ඛන්‍ධෙ විප්පයුත්තපච්චයා, චක්ඛායතනං පච්චයා චක්ඛුවිඤ්ඤාණං, -පෙ- කායායතනං පච්චයා කායවිඤ්ඤාණං, වත්‍ථුං පච්චයා විපාකාබ්‍යාකතා කිරියාබ්‍යාකතං ඛන්‍ධා, වත්‍ථුං විප්පයුත්තපච්චයා. අබ්‍යාකතං ධම්මං පච්චයා කුසලො ධම්මො උප්පජ්ජති විප්පයුත්තපච්චයා, වත්‍ථුං පච්චයා කුසලා ඛන්‍ධා වත්‍ථුං විප්පයුත්තපච්චයා. අබ්‍යාකතං ධම්මං පච්චයා අකුසලො ධම්මො උප්පජ්ජති විප්පයුත්තපච්චයා, වත්‍ථුං පච්චයා අකුසලා ඛන්‍ධා වත්‍ථුං විප්පයුත්ත පච්චයා, අබ්‍යාකතං ධම්මං පච්චයා, කුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා, වත්‍ථුං පච්චයා කුසලා ඛන්‍ධා, මහාභූතෙ පච්චයා චිත්තසමුට්ඨානං රූපං, ඛන්‍ධා වත්‍ථුං විප්පයුත්ත පච්චයා, චිත්තසමුට්ඨානං රූපං ඛන්‍ධෙ විප්පයුත්තපච්චයා, අබ්‍යාකතං ධම්මං පච්චයා අකුසලො ච අබ්‍යාකතො ච ධම්මා උප්පජ්ජන්ති විප්පයුත්තපච්චයා, වත්‍ථුං පච්චයා අකුසලා ඛන්‍ධා මහාභූතෙ පච්චයා චිත්තසමුට්ඨානං රූපං, ඛන්‍ධා වත්‍ථුං විප්පයුත්තපච්චයා, චිත්තසමුට්ඨානං රූපං ඛන්‍ධෙ විප්පයුත්තපච්චයා.
කුසලඤ්ච අබ්‍යාකතඤ්ච ධම්මං පච්චයා කුසලො ධම්මො උප්පජ්ජති විප්පයුත්ත පච්චයා. කුසලං එකං ඛන්‍ධං ච වත්‍ථුං ච පච්චයා තයො ඛන්‍ධා තයො ඛන්‍ධෙ ච වත්‍ථුං ච පච්චයා එකො ඛන්‍ධො, ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා. වත්‍ථුං විප්පයුත්ත පච්චයා. කුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති විප්පයුත්ත පච්චයා, කුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං ඛන්‍ධෙ විප්පයුත්තපච්චයා, කුසලඤ්ච අබ්‍යාකතඤ්ච ධම්මං පච්චයා කුසලො ච අබ්‍යාකතො ච ධම්මං උප්පජ්ජන්ති විප්පයුත්තපච්චයා, කුසලං එකං ඛන්‍ධං ච වත්‍ථුං ච පච්චයා තයො ඛන්‍ධා තයො ඛන්‍ධෙ ච වත්‍ථුං ච පච්චයා එකො ඛන්‍ධො, ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා, කුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං ඛන්‍ධා විප්පයුත්ත පච්චයා. චිත්තසමුට්ඨානං රූපං ඛන්‍ධෙ විප්පයුත්ත පච්චයා.
අකුසලඤ්ච අබ්‍යාකතඤ්ච ධම්මං පච්චයා අකුසලො ධම්මො උප්පජ්ජති විප්පයුත්තපච්චයා, අකුසලං එකං ඛන්‍ධඤ්ච වත්‍ථුං ච පච්චයා තයො ඛන්‍ධා, -පෙ- ද්වෙ ඛන්‍ධෙ ච වත්‍ථුං ච පච්චයා ද්වෙ ඛන්‍ධා, වත්‍ථුං විප්පයුත්තපච්චයා. අකුසලඤ්ච අබ්‍යාකතඤ්ච ධම්මං පච්චයා අබ්‍යාකතො ධම්මො උප්පජ්ජති විප්පයුත්තපච්චයා, අකුසලෙ ඛන්‍ධෙ ච මහාභූතෙ ච පච්චයා චිත්තසමුට්ඨානං රූපං, ඛන්‍ධෙ විප්පයුත්තපච්චයා. අකුසලඤ්ච අබ්‍යාකතඤ්ච ධම්මං පච්චයා අකුසලො ච අබ්‍යාකතො ච ධම්මං උප්පජ්ජන්ති විප්පයුත්ත පච්චයා, අකුසලං එකං ඛන්‍ධඤ්ච වත්‍ථුං ච පච්චයා තයො ඛන්‍ධා, -පෙ- ද්වෙ ඛන්‍ධා, අකුසලෙ ධන්‍ධෙ ච මහාභූතෙ ච පච්චයා චිත්තසමුට්ඨානං රූපං, ඛන්‍ධා වත්‍ථුං විප්පයුත්තපච්චයා චිත්තසමුට්ඨානං රූපං ඛන්‍ධෙ විප්පයුත්තපච්චයා.
කුසලං ධම්මං පච්චයා කුසලො ධම්මො උප්පජ්ජති අත්‍ථි පච්චයා -පෙ- අත්‍ථිපච්චයා සහජාතපච්චය සදිසං කාතබ්බං. නත්‍ථිපච්චයා විගතපච්චයා ආරම්මණපච්චය සදිසං. අවිගත පච්චයා සහජාතපච්චය සදිසං.