මෙසේ සඞ්ක්ෂේපයෙන් දක්වන ලද නිර්වාණයාගේ සෝපාදිශේෂානුපාදිශේෂාදි බොහෝ භේදයෝ වෙත්. එයින් අභිධර්මාර්ථ සඞ්ග්‍රහයෙහි දක්වන ලද නිර්වාණ භේදයෝ පළමු කොට මෙහි දක්වනු ලැබෙත්.
“තදෙතං සභාවතො එකධම්පි සඋපාදිසෙස නිබ්බාන ධාතු අනුපාදිසෙස නිබ්බාන ධාතු චෙති දුවිධං හොති කාරණ පරියායෙන” යනු අර්ථ කථා යි.
ඒ මේ නිර්වාණ ධාතුව වනාහි ශාන්ති ලක්‍ෂණ සඞ්ඛ්‍යාත ස්වකීය ස්වභාවයෙන් එක් වැදෑරුම් වූ නමුත් සෝපාදිශේෂ නිර්වාණය අනුපාදිශේෂ නිර්වාණයයි කාරණපර්‍ය්‍යායයෙන් දෙවැදෑරුම් වේය යනු මෙහි භාවයි.