සංකේත නිරූපණ
- දී.නි. - දීඝනිකාය
- ම.නි. - මජ්ඣිම නිකාය
- සං.නි. - සංයුත්ත නිකාය
- අං.නි. - අංගුත්තර නිකාය
- ධ.ප. - ධම්මපද
- උ.දා. - උදාන
- පටිසං. - පටිසම්භිදා මග්ගපාලි
- ථෙර. - ථෙරගාථා
- සු.නි. - සුත්තනිපාත
- චූළනි. - චූළ නිද්දෙස
- ධසං: - ධම්මසංගනි
- විභ: - විභඞ්ගප්‍රකරණය
- විම: - විසුද්ධිමග්ග
- සං.නි. - සංයුත්තනිකායට්ඨකථා
- මනො. - මනොරථපූරනී
- අභි. - අභිධම්මත්‍ථ සංගහ
- පදී. - පරමත්‍ථ දීපනී ලයිතිෂයාඩෝ
- මීප. - මිළින්ද පඤ්හ.
- තෙක. - තෙලකටාහ ගාථා
- භග. - භගවත් ගීතාව
- බු.ජ. - බුද්ධ ජයන්ති මුද්‍රණය
- හේ.මු. - හේවාවිතාරණ මුද්‍රණය
“ඉති සීලං ඉති සමාධි ඉති පඤ්ඤා සීල පරිභාවිතො සමාධි මහප්ඵලො හොති මහානිසංසො. සමාධි පරිභාවිතා පඤ්ඤා මහප්ඵලා හොති මහානිසංසා. පඤ්ඤා පරිභාවිතං චිත්තං සම්මදෙව ආසවෙහි විමුච්චති. සෙය්‍යථීදං, කාමාසවා භවාසවා දිට්ඨාසවා අවිජ්ජාසවා”ති.
මහාපරිනිබ්බාණ සුත්ත (දී.නි.)
“මේය ශීලය, මේය සමාධිය, මේය ප්‍රඥාව. ශීලයෙන් සපුරා වැඩුණු සමාධිය මහත්ඵල වෙයි. මහානිසංස වෙයි. සමාධියෙන් සපුරා වැඩුණු ප්‍රඥාව මහත්ඵල වෙයි. මහානිසංස වෙයි. ප්‍රඥාවෙන් සපුරා වැඩුණු චිත්තය කාමාශ්‍රව, භවාශ්‍රව, දෘෂ්ට්‍යාශ්‍රව, අවිද්‍යාශ්‍රව යන මේ ආශ්‍රවයන් කෙරෙන් විමුක්ත වෙයි.”